Afghanistanning paytexti kabulda özini öltürwélish xaraktérlik partlitish hujumi yüz berdi


2006-10-02
Share

Afghanistan hökümet xadimining ashkarlishiche, kabuldiki ichki ishlar ministirliqigha yéqin bir jayda özini öltürwélish xaraktérlik partlitish hujumi yüz bérip, 12 adem qaza qilghan, 42 adem yarilan'ghan.

Afghanistan ichki ishlar bayanatchisining éytishiche, partlatquch bombini bedinige tangghan bir kishi, düshenbe küni etigende, ichki ishlar ministirliqining derwazigha yéqin jayda özini partlatqan. Partlash yüz bergen waqit kishilerning ishqa chüshidighan waqti bolghanliqi üchün, mezkür partlashta köp adem yarilan'ghan.

Xewerlerge qarighanda, gerche kabulning bixeterliki qattiq tedbir astigha élin'ghan bolsimu, biraq bu yil köp qétim partlash weqeliri yüz bergen.

Neq meydandiki bir saqchining bildürüshiche, u partlashta ölgenler arisida 4 xizmetdishining jesitini körgen. Partlashta yene , ichki ishlar ministirliqida xizmet qilidighan bir qanche kishimu hayatidin ayrilghan.

Bu arida , taliban küchliri, bu qétim yüz bergen partlashning özliri teripidin élip bérilghanliqini étirap qildi. Bir qanche heptidin béri talibanlar , afghan da'irilirige qaratqan hujumini kücheytmekte.

Kabulda bir aydin béri 3 -- 4 qétim, özini öltürwélish xaraktérlik partlitish hujumliri yüz bergen bolup, bir qanche kün ilgiri amérika elchixanisi aldida partlash yüz bérip, ikki amérika eskirini öz ichige alghan 16 ademning ölümini meydan'gha keltürgen idi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet