Kanada hökümiti hüsenjan jélilning iz - dérikini élishqa adem ewetti


2006.04.07

Kanada tewelikidiki bir Uyghur özbékistanda qolgha élin'ghandin kéyin, kanada hökümiti özining moskwadiki elchixanisidin bir diplomatik emeldarini tashkentke ewetip, bu Uyghurning ehwalini sürüshtürüshke bashlighan. 26 ‏- Mart küni tashkentte özbékistan amanliq da'iriliri teripidin wiza uzartishqa barghanda tutup qélin'ghandin kéyin hazirghiche a'ilisi bilen körüshtürülmigen hüsenjan jélilning dostliridin igilishimizche, kanadaning tashkentke yollighan alahide diplomatik xadimi sandra rositér, peyshenbe küni hüsenjan jélilning ayali kamile jélil bilen körüshken.

Kanadaning özbékistanda turushluq mexsus elchixanisi yoq bolup, özbékistan bilen bolghan bash elchi derijilik diplomatik alaqilarni moskwadiki kanada bash elchixanisi bashqurmaqta idi. Alahide diplomatik emeldari sandra rositér, tutqunning ayali bilen jüme küni yene körüshüshi mümkin. Emma kanada hökümiti mexpiyetlik qanuni boyiche , kanada da'irilirining weqe toghrisida özbékistan hökümiti bilen élip bériwatqan söhbiti mexpiy tutulidighanliqini bildürgen.

Lékin hüsenjan jélilning ayali, xitay da'irilirining özbékistandin hüsenjan jélilni ötküzüp bérishni telep qilghanliqini we uni ötküzüp bérishning "her waqit yüz bérish mumkinchiliki mewjut" ikenlikini eskertmekte. Özbékistan ötken yili 5 - ayda enjan weqesini basturghandin kéyin, xitay bilen bolghan munasiwitini kücheytip, amérikidin xan'abad hawa armiye bazisidiki qoshunlirini 6 ay ichide élip chiqip kitishni telep qilghan. Xitay hökümiti enjandiki qirghinchiliqtin kéyin prézidént kerimowni béyjingda qizil gilem sélip kütüwaldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.