Канада баш министири хитайдин"йеңи таңлиқлар" телевизийисиниң мухбирлириниң зияритигә йол қоюшни тәләп қилди


2005-01-16
Share

Канада баш министири пол мартин пат арида хитайни зиярәт қилиду. Буниң һарписида хитай һөкүмити, униң билән биллә хитайни зиярәт қилмақчи болған чәтәлдики "йеңи таңлиқлар" телевизийисиниң икки нәпәр канадалиқ мухбириниң зияритини рәт қилди.

Канада баш министири пол мартин, буниң бир җиддий мәсилә икәнликини билдүрүп, "ахбарат әркинликигә дәхли- тәруз қилишқа болмайду. Канада тәрәп, хитай һөкүмитидин немә үчүн мәзкур мухбирларниң зияритини рәт қилғанлиқини чүшәндүрүшини вә шундақла бу қилмишини түзитишини тәләп қилимиз" диди.

Әнгилийә б б с радио- телевизийисиниң хәвиригә қариғанда, хитай һөкүмити "йеңи таңлиқлар" телевизийисиниң икки нәпәр мухбириға үч һәптә аввал виза берип, өткән пәйшәнбә күни бәргән визисини бикар қилған. Хитайниң канададики әлчиханиси, немә үчүн уларниң визисини бикар қилғанлиқини чүшәндүрмигән.

"Йеңи таңлиқлар" телевизийисиниң канададики мәсулиниң қияс қилишичә, мәзкур телевизийә истансиси хитайдики сарс кесили, кишилик һоқуқ мәсилиси вә хитай һөкүмитиниң фалүнгоң муритлирини бастуруши һәққидә хәвәр бәргәнлики, бейҗиң һөкүмитиниң ғәзипини кәлтүргән болиши мумкин икән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт