Kanada we xitay yilliq kishilik söhbitining da'irisini kéngeytishke kélishti


2005-01-20
Share

Kanada bash ministiri pawl martin we xitay bash ministiri win jiyabaw peyshenbe küni ikki dölet otturisida kishilik hoquq mesliside élip bérilidighan söhbetning da'irisini téximu kéngeytish toghrisida kélishti.

Amérika birleshme agéntliqining xewer qilishiche, xitayda ziyarette boliwatqan kanada bash ministiri pawl martin peyshenbe küni xitay bash ministiri wén jyabaw bilen ikki dölet otturisida énérgiye toghrisida hemkarliq kélishimi imzalash murasimigha qatnashti.

Kanada bash ministirining xitay ziyariti kélishmeslikler bilen bashlan'ghan. Ötken hepte xitay hökümiti tosattin kanada bash minsitirining xitay ziyaritide uninggha hemra bolmaqchi bolghan kanada puqrasi ikki xitay muxbirgha bergen wizisni bikar qildi. Xitay hökümiti ularni falunggong teriqiti ezasi dep eyibligen.

Kanada bash ministiri martin xitayni ziyaret qilishtin burun ,xitay hökümitining ikki kanadaliq muxbirning wizisini bikar qilghanliqigha naraziliq bildürüp, xitay hökümitini bu mesile heqqide chüshendürüsh bérishke chaqirghan idi .

Kanadadiki kishilik hoquq teshkilatliri, bash ministir martinning xitay ziyaritining harpisida, kishilik hoquqning xitaydiki weziyiti toghrisida arqa-arqidin bayanat élan qilip, kanada bash minsitiridin xitay rehberliri bilen élip baridighan söhbetliri jeryanida kishlik hoquq mesilisini choqum otturigha qoyishini telep qilghan.

Kanadadiki ichki bésimlar tüpeyli bolsa kérek, kanada we xitay hökümiti teripidin élan qilin'ghan birleshme bayanatida, ikki terepning kishilik hoquq mesilisi toghrisida téximu köp hemkarlishish heqqide kélishkenliki tekitlen'gen. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet