Kandiliza rays xitayni ziyaret qilidu
2008.02.15
Amérika tashqi ishlar ministirliqining jüme küni ashkarilishiche, tashqi ishlar ministiri kandiliza rays 26 - féwral küni béyjingni ziyaret qilip, xitay rehberliri bilen shimaliy koriye yadro pilani qatarliq mesililerde söhbet élip barmaqchi iken. Amérika tashqi ishlar ministirliqi bayanatchisi shon makormak, rayisning ziyariti 23 - féwral küni bashlinidighanliqini we bu ziyaretning jenubiy koriye, xitay hem yaponiyilerni öz ichige alidighanliqini bildürdi.
Shimaliy koriye yadro qorallar mesilisi rayisning bu sepiridiki eng muhim témilarning biri bolushi mumkin. U, bu sepiride shimaliy koriye yadro qorallar mesilisi buyiche amérika söhbet wekili kristofir xéllning hemrahliqida baridu. Shon makormak, rayisning 26 - féwral küni "yuqiri derijilik xitay emeldarliri bilen xelq'ara, rayon xaraktérlik we ikki tereplimilik siyasi hem iqtisadi mesililer shundaqla shimaliy koriye yadro mesilisi we iran " toghrisida sözlishidighanliqini bildürdi. Shimaliy koriye 6 dölet söhbet kélishimining rohigha asasen esli 2007 - yilning axiriliri özini yadro qorallardin pütünley xaliy qilishi kérek idi. Lékin pyongyang bilen amérika otturisidiki bezi ixtilaplar tüpeyli kélishimning rohi hazirgha qeder ijra qilmidi.
Xitay shimaliy koriyini yadrosizlashturush mesiliside hel qilghuch dölet bolupla qalmay, iranning yadro pilanini tonglitish söhbitige qatnishiwatqan döletlerning biri. Rayisning xitay sepiri térrorchiliq we kishilik hoquq mesilisini öz ichige alidighan yaki almaydighanliqi éytilmidi. Lékin dunya Uyghur qurultiyi bayanat élan qilip, rayisning bu sepiride ürümchidiki "bext baghchisida 18 neper Uyghurning öltürülüsh weqesi" ni sürüshtürüshni telep qildi. Dunya Uyghur qurultiyi bayanatchisi dilshat rishit, weqe üstide xelq'ara jem'iyetning tekshürüsh élip bérishini telep qilipla qalmay, kandiliza rayisning xitay rehberlirini " térrorchiliqni bahane qilip, Uyghurlarni basturush" siyasitidin waz kéchishke chaqirishini telep qildi.
Kandiliza rays 23 - féwral küni jenubiy koriyige bérip, 26 - féwraldiki xitay ziyaritini axirlashturghandin kéyin 27 - féwral küni yaponiyini ziyaret qilidu. (Erkin)
Munasiwetlik maqalilar
- Alem boshluqida ishlitidighan qorallarni cheklesh kélishimi rusiye we xitayning déplomatik hiylisi
- Amérika döletlik axbarat bash nazaretchisi : amérika xitay tehditidin endishe qilidu
- Amérikidiki prézidént saylimida munazire qiliniwatqan amérika -xitay munasiwetliri mesilisi
- Amérika générali xitay herbiy qorallirining özini qoghdash iqtidaridin éship ketkenlikini bildürdi
- Xitay amérika istratégiyilik di'alogi dawamlashmaqta
- Ikkinchi qétimliq amérika-xitay istratégiylik di'alogi bashlandi
- Amérika déngiz armiyisi qomandani xitayni ziyaret qilmaqchi
- Amérika awam palatasi ezaliri amérika hökümitining teywenning b d t gha eza bolup kirishige qarshi chiqishini eyiblidi
- Amérika - xitay iqtisadiy istratégiye söhbiti axirlashti
- Xitay amérikidin yangyu yapraqchisi import qilishni toxtatti
- " Xitay amérikidin dalay lama sewebidin öch éliwatidu "
- Xitay sün'iy hemrahi tartqan ay shari süritining rastliqini tekitlidi
Köp körülgen xewerler
RFA
- Jenwediki b d t yighinida xitay wekilliri yighin meydanini tashlap chiqip ketken
- Jenwediki b d t munbiride: “Uyghur teshkilatliri wekilliri Uyghur mejburiy emgikige da'ir herqandaq so'algha jawab bérishke teyyar! ”
- Tuzini yep, tuzluqini chéqish: xitay yazghuchisi wang méngning Uyghur söygüsi qanchilik?
- Xitay özini aqlash üchün “B d t 16-nöwetlik az sanliqlar munbiri” de bir neper Uyghur ayalni sehnige chiqarghan
- Uyghur mejburiy emgek mesilisi jenwede bashlan'ghan b d t “Soda we kishilik hoquq munbiri” ning muhim témisi boldi