Карачидики партлашта өлгәнләрниң сани 57 гә йәтти


2006-04-12
Share

Пакистанниң карачи шәһиридә сәйшәнбә күни йүз бәргән партлашта өлгәнләрниң сани 57 гә йәтти. Шундақла бу вәқәдә йәнә 100 нәччә киши охшимиған дәриҗидә яриланған.

Бу вәқә өзини өлтүривелиш характеридики партлаш вәқәси болуп, өзигә партлатқуч бомбиларни таңған икки нәпәр киши , муһәммәд пәйғәмбәрниң туғулған күнини хатириләватқан нәччә миң сүнний мусулманлириниң арисиға кирип бомбини партлатқан. Өлгәнләрниң арисида сүнний мусулманлар тәшкилатиниң юқири дәриҗилик бир әмәлдариму бар икән.

Пакистан президенти пәрвәз мушәрриф бу партлаш вәқәсини әйиблиди һәмдә барлиқ диний паалийәт елип берилидиған җайларда бихәтәрлик тәдбирлирини күчәйтишни буйруқ қилди. Һазирғичә бу вәқәниң мәсулийитини техи һечким үстигә алмиди. Лекин пакистан ички ишлар министири афтапхан шерпав мухбирларға, мунасивәтлик орунларниң бу вәқә үстидин тәлтөкүс тәкшүрүш елип баридиғанлиқини ейтти.

Америка ташқи ишлар министирлиқиниң баянатчиси майкел макерий вашингтон һөкүмитиниң бу вәқәни күчлүк әйибләйдиғанлиқини билдүрди. Пакистанда сүнний мусулманлири көп санни игиләйдиған болуп, карачи шәһири, сүнний мусулманлири билән шиә мусулманлири оттурисидики тоқунуш көп йүз беридиған җайға айлинип қалған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт