Karachidiki partlashta ölgenlerning sani 57 ge yetti


2006-04-12
Share

Pakistanning karachi shehiride seyshenbe küni yüz bergen partlashta ölgenlerning sani 57 ge yetti. Shundaqla bu weqede yene 100 nechche kishi oxshimighan derijide yarilan'ghan.

Bu weqe özini öltüriwélish xaraktéridiki partlash weqesi bolup, özige partlatquch bombilarni tangghan ikki neper kishi , muhemmed peyghemberning tughulghan künini xatirilewatqan nechche ming sünniy musulmanlirining arisigha kirip bombini partlatqan. Ölgenlerning arisida sünniy musulmanlar teshkilatining yuqiri derijilik bir emeldarimu bar iken.

Pakistan prézidénti perwez musherrif bu partlash weqesini eyiblidi hemde barliq diniy pa'aliyet élip bérilidighan jaylarda bixeterlik tedbirlirini kücheytishni buyruq qildi. Hazirghiche bu weqening mes'uliyitini téxi héchkim üstige almidi. Lékin pakistan ichki ishlar ministiri aftapxan shérpaw muxbirlargha, munasiwetlik orunlarning bu weqe üstidin teltöküs tekshürüsh élip baridighanliqini éytti.

Amérika tashqi ishlar ministirliqining bayanatchisi maykél makériy washin'gton hökümitining bu weqeni küchlük eyibleydighanliqini bildürdi. Pakistanda sünniy musulmanliri köp sanni igileydighan bolup, karachi shehiri, sünniy musulmanliri bilen shi'e musulmanliri otturisidiki toqunush köp yüz béridighan jaygha aylinip qalghan.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet