Xelq'ara kechürüm teshkilati xitayning chaghan aldida 200 kishini atqanliqini eyiplidi


2005.02.09
Share on WhatsApp
Share on WhatsApp

Xelq'ara kechürüm teshkilati charshenbe küni bayanat élan qilip, xitay hökümitining chaghanning aldidiki ikki hepte ichide 200 kishini atqanliqini eyiblep, béyjing hökümitini ölüm jazasi ijra qilishni azaytishqa chaqirdi.

Xelq'ara kechürüm teshkilati yene, yawropa birlikini xitaygha qaratqan qoral cheklimisini bikar qilish mesilini muzakire qilghanda choqum xitayning kishilik hoquq weziyitini oylishishqa ündidi.

Mezkur teshkilat chiqarghan doklatqa qarighanda, xitay hökümiti chaghan aldidiki ikki heptide 200 kishini atqandin sirt, ötken yili 12 - aydin bu yil 1 - ayghiche bolghan qisqighina ikki ay ichide xitayning her qaysi jayliridin bolup jem'iy 650 kishini ölüm jazasi bilen étip tashlighan.

Bash shitabi londondiki xelq'ara kechürüm teshkilati doklatida, xitay hökümitining bolupmu chaghan yétip kélishi bilen ölüm jazasini ijra qilish sür'itini téximu ashurghanliqini, hetta bir qétimliqta 10 nechche kishini étiwatqanliqini bildürdi.

Mezkur teshkilat doklatida yene, "xitay hökümiti, ‘muqimliqni saqlash we xelqning yéngi yilni tinch-aman ötküzüshige kapaletlik qilish' nami bilen adem étiwatidu. Bu tolimu xeterlik bir uqum" dep körsetti.

Xitay hökümiti adem öltürüsh, basqunchiliq we baj oghrilashtin tartip siyasiy jinayetkiche bolghan türlük jinayetlerge ölüm jazasi béridighan bolup, xitay boyiche peqet Uyghurlar bilen tibetlergila siyasiy jinayet bilen ölüm jazasi bérilidu. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.