Xelq'ara kechürüm teshkilati xitayni emgek bilen özgertish tüzümini bikar qilishqa chaqirdi
2007.10.19
Merkizi londondiki xelq'ara kechürüm teshkilati peyshenbe küni xitay xelq qurultiyining memliketlik da'imiy komitétigha ochuq xet élan qilip, xitayni emgek bilen özgertishni asas qilghan "lawgey" tüzümini bikar qilishqa chaqirdi.
Ochuq xette, xitayning emgek bilen özgertish séstimisida minglighan - on minglighan kishiler tutup turulmaqta. Bu türdiki emgek bilen özgertish lagirlirining köp qisimining shara'iti intayin japaliq bolup, bu xil kemsitish tedbirliri olimpik rohigha pütünley xilaptur,dep körsetti.
Ochuq xette yene, xitay da'irilirining yéqindin béri bu tüzümni téximu kücheytkenlikidin bi'aram boluwatqanliqini eskertip, béyjing saqchi da'iriliri 2008 - yili ötküzülidighan béyjing olimpik yighini yétip kélishtin burun, emgek bilen özgertishtin ibaret bu kemsitish xaraktérlik tedbirni téximu kücheytmekte we puqralargha qarita emgek bilen özgertish hem mejburlash xaraktérlik zeher tashlitish wastilirini qollanmaqta, dep eskertti. Ochuq xette, xitay xelq qurultiyi da'imiy komitétini 2008 - yili béyjing olimpik yighini yétip kélishtin burun, emgek bilen özgertish qanunining ornigha dessitidighan her qandaq bir qanun chiqarmaqchi bolsa, bu qanunning xelq'ara kishilik hoquq ölchimige uyghun bolushigha kapaletlik qilishqa, jümlidin puqralarning adil sotlinish hoquqigha kapaletlik qilishqa chaqirdi.
Xelq'ara kishilik hoquq teshkilatliri xitayning emgek bilen özgertish tüzümini kishilik hoquqqa qilin'ghan éghir depsendichilik, dep eyiblimekte. (Erkin)
Munasiwetlik maqalilar
- Amérika hökümiti yilliq doklat élan qilip xitayni tenqidlidi
- Amérika palata ezaliri xitay re'isi xu jintawgha imzaliq xet yollidi
- Xitayda yer - mülük hoquqini qoghdighuchi türmide qiyin - qistaqqa élin'ghan
- Amérika hökümet wekilliri ottura asiyadiki Uyghurlar mesilsini otturigha qoydi
- Béyjingda yene bir adwokat qattiq tehditke uchridi
- Xitay amérikining diniy erkinlik doklatidiki bayanlarni ret qildi
- Ataqliq kino cholpini richard gér, xitayni kishilik hoquq mesiliside ochuq bolushqa chaqirdi
- Amérika diniy erkinlik komitéti xitayni eyiblidi
- En'giliye minsitiri, xitay hökümitidin kishilik hoquq xatirisini yaxshilishini telep qildi