Германийә кәчүрүм тәшкилати хәлқара олимпик комитетиниң хитайға бесим ишлитишини тәләп қилди


2007-12-28
Share

Хәлқара кәчүрүм тәшкилати германийә шөбисиниң мәсули хәлқара олимпик комитетиниң келәр йили 8 - айдики бейҗиң олимпик мусабиқиси йетип кәлгичә кишилик һоқуқи мәсилисидә хитайға техиму еғир бесим ишлитишини тәләп қилди.

Германийә хәлқара кәчүрүм тәшкилати шөбисиниң баш секритари барбара локбехлер, алдинқи күни ғәрбий җәнуб германийә радиосиға бәргән баянатида хитай кишилик һоқуқи вәзийитидә өзгиришниң наһайити қисмән җәһәтләрдә чәклинип қалғанлиқини билдүргән. У, "хәлқара олимпик комитети рәиси җәк роге 2002 -йили кишилик һоқуқниң яхшинидиғанлиқини билдүргән иди. Лекин мән һазирға қәдәр олимпик йиғиниға аз қалған болсиму, хәлқара олимпик комитетиниң кишилик һоқуқи тәләплиригә һөрмәт қилинғанлиқини көрмидим. Бу җәһәттики илгириләш наһайити аз " дәп көрсәтти.

Локбихлерниң әскәртишичә, сиясәтчиләр вә олимпикчилар олимпик мусабиқиси йетип келиштин бурун хитайни кишилик һоқуқ саһәсидә илгириләшкә қистап, өлүм җазаси берилидиған җинайәт түрлириниң санини һазирқи 68 хил түрдин азайтиш керәк вә бу саһәдә омумийүзлүк узун муддәтлик яхшилиниш ясаш лазим.

Барбара локбехлер йәнә, һәр қайси тәрәпләр хитай рәһбәрлиригә қолға елиш яки әмгәк билән өзгәртиш лагирлириға палашниң мәсилини һәл қилиш чариси әмәсликини тонутуп қоюш керәк, дәп сөзлиди. Хитай даирилири 2001 - йили олимпик мусабиқиси өткүзүш һоқуқини талашқанда хәлқара олимпик комитетиға олимпик йиғини өткүзүш һоқуқи бейҗиңға берилсә, кишилик һоқуқи вә ахбарат әркинликини яхшилашқа вәдә бәргән. Лекин хәлқара ахбарат әркинлики вә кишилик һоқуқ тәшкилатлири бейҗиң даирилирини бу вәдисидә турмиди, дәп әйиблимәктә. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт