Gérmaniye kechürüm teshkilati xelq'ara olimpik komitétining xitaygha bésim ishlitishini telep qildi


2007.12.28

Xelq'ara kechürüm teshkilati gérmaniye shöbisining mes'uli xelq'ara olimpik komitétining kéler yili 8 - aydiki béyjing olimpik musabiqisi yétip kelgiche kishilik hoquqi mesiliside xitaygha téximu éghir bésim ishlitishini telep qildi.

Gérmaniye xelq'ara kechürüm teshkilati shöbisining bash sékritari barbara lokbéxlér, aldinqi küni gherbiy jenub gérmaniye radi'osigha bergen bayanatida xitay kishilik hoquqi weziyitide özgirishning nahayiti qismen jehetlerde cheklinip qalghanliqini bildürgen. U, "xelq'ara olimpik komitéti re'isi jek rogé 2002 -yili kishilik hoquqning yaxshinidighanliqini bildürgen idi. Lékin men hazirgha qeder olimpik yighinigha az qalghan bolsimu, xelq'ara olimpik komitétining kishilik hoquqi teleplirige hörmet qilin'ghanliqini körmidim. Bu jehettiki ilgirilesh nahayiti az " dep körsetti.

Lokbixlérning eskertishiche, siyasetchiler we olimpikchilar olimpik musabiqisi yétip kélishtin burun xitayni kishilik hoquq saheside ilgirileshke qistap, ölüm jazasi bérilidighan jinayet türlirining sanini hazirqi 68 xil türdin azaytish kérek we bu sahede omumiyüzlük uzun muddetlik yaxshilinish yasash lazim.

Barbara lokbéxlér yene, her qaysi terepler xitay rehberlirige qolgha élish yaki emgek bilen özgertish lagirlirigha palashning mesilini hel qilish charisi emeslikini tonutup qoyush kérek, dep sözlidi. Xitay da'iriliri 2001 - yili olimpik musabiqisi ötküzüsh hoquqini talashqanda xelq'ara olimpik komitétigha olimpik yighini ötküzüsh hoquqi béyjinggha bérilse, kishilik hoquqi we axbarat erkinlikini yaxshilashqa wede bergen. Lékin xelq'ara axbarat erkinliki we kishilik hoquq teshkilatliri béyjing da'irilirini bu wediside turmidi, dep eyiblimekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.