Kechürüm teshkilati, her qaysi döletlerni xitaydiki kishilik hoquq depsendichilikige qarshi turushqa chaqirdi


2008-04-01
Share

Xelq'ara kechürüm teshkilati, seyshenbe küni bir doklat élan qilip, 2008‏ - yilliq béyjing olimpik tenheriket yighini harpisida, kishilik hoquqning xitaydiki weziyitining téximu nacharlishiwatqanliqini we xitay hökümitining dunya jama'etchilikige xitay jem'iyitini ittipaqliq ichide yashawatqan inaq bir jem'iyet qilip körsitish üchün siyasiy öktichilerni qattiq basturuwatqanliqini tekitlidi.

Bayanatida, 2008‏ - yilliq olimpik tenheriket yighinining, kishilik hoquqning xitaydiki weziyitini yaxshilash mesiliside héchqandaq tesiri bolmaydighanliqining otturigha chiqqanliqini tekitligen xelq'ara kechürüm teshkilati, dunyadiki her qaysi döletlerning rehberlirini shuningdek xelq'ara olimpik komitétini xitaydiki kishilik hoquq depsendichilikini ochuq - ashkara tenqid qilishqa chaqirdi.

Bayanatta, " eger xelq'ara olimpik komitéti, chet dölet rehberliri shuningdek xitaydiki chet'el shirketliri, xitaydiki kishilik hoquq depsendilikige qarshi chiqmisa, bu mesilide xitayning shiriki hésablinip qilishi mumkin" déyilgen.

Lékin xitay tashqi ishlar minstirliqining bayanatchisi jyang yü, seyshenbe küni béyjingda muxbirlargha bergen bayanatida, kechürüm teshkilati, xitaygha qarshi pozitsiyide, shuning üchün bu teshkilatning qandaq doklat élan qilidighanliqini tesewwur qilish mumkin" dégen. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet