Хитай вә шәрқий җәнубий асия дөләтлири әркин сода келишими имзалиди

Хитай вә шәрқий җәнубий асия дөләтлири дүшәнбә күни 2010 – йилғичә дуняниң әң чоң әркин сода райони яритиш үчүн бир келишим имзалиди.

Франсийә ахбарат агентлиқиниң хәвәр қилишичә, шәрқий җәнубий асия дөләтлири һәмкарлиқ тәшкилатиға әза болған хитай, буруни, һиндонезийә, малайсиа, филиппин, сингапор, тайланд, камбодижа, лаос, миянмар вә вйетнам қатарлиқ дөләт рәһбәрлири тәрипидин имзаланған келишимгә асасән, 2010 – йилғичә мәзкур дөләтләр оттурисидики пүтүн тосалғулар йоқ қилинип, бу дөләтләрни ичигә алған вә икки милярд киши яшаватқан бу районда бир әркин сода базири яритидикән.

Шәрқий җәнубий асия дөләтлири әза дөләтләр келәр йили японийә вә җәнубий корийә биләнму әркин сода келишими имзалаш үчүн сөһбәт башлашни пиланлимақта.

Хәвәрләргә қариғанда, шәрқий җәнубий асия дөләтлири оттурисидики мәзкур келишим, сиясий арқа көрүнүшләргиму игә болуп, келишимдә дөләтләрниң бир – бириниң ички ишлириға арилишиши чәкләнгән.

Америка бирләшмә агентлиқиниң билдүрүшичә, хитай вә шәрқий җәнубий асия дөләтлири оттурисида мәзкур келишимниң имзаланғанлиқи бир вақитларда америкиниң һөкүмранлиқи астида болған бу районда хитайниң тәсириниң күндин - күнгә күчийиватқанлиқини көрситидикән. (Қанат)

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар