Xitay we sherqiy jenubiy asiya döletliri erkin soda kélishimi imzalidi

Xitay we sherqiy jenubiy asiya döletliri düshenbe küni 2010 – yilghiche dunyaning eng chong erkin soda rayoni yaritish üchün bir kélishim imzalidi.

Fransiye axbarat agéntliqining xewer qilishiche, sherqiy jenubiy asiya döletliri hemkarliq teshkilatigha eza bolghan xitay, buruni, hindonéziye, malaysi'a, filippin, sin'gapor, tayland, kambodizha, la'os, miyanmar we wyétnam qatarliq dölet rehberliri teripidin imzalan'ghan kélishimge asasen, 2010 – yilghiche mezkur döletler otturisidiki pütün tosalghular yoq qilinip, bu döletlerni ichige alghan we ikki milyard kishi yashawatqan bu rayonda bir erkin soda baziri yaritidiken.

Sherqiy jenubiy asiya döletliri eza döletler kéler yili yaponiye we jenubiy koriye bilenmu erkin soda kélishimi imzalash üchün söhbet bashlashni pilanlimaqta.

Xewerlerge qarighanda, sherqiy jenubiy asiya döletliri otturisidiki mezkur kélishim, siyasiy arqa körünüshlergimu ige bolup, kélishimde döletlerning bir – birining ichki ishlirigha arilishishi cheklen'gen.

Amérika birleshme agéntliqining bildürüshiche, xitay we sherqiy jenubiy asiya döletliri otturisida mezkur kélishimning imzalan'ghanliqi bir waqitlarda amérikining hökümranliqi astida bolghan bu rayonda xitayning tesirining kündin - kün'ge küchiyiwatqanliqini körsitidiken. (Qanat)