Rusiye we iran yadro yéqilghu teminati kélishimi tüzdi


2005.02.27

Rusiye we iran yekshenbe küni yadro yéqilghu teminati heqqide kélishim maqullidi. Kélishimge asasen, rusiye, irandiki tünji yadro éliktir istansisini yéqilghu bilen teminleydu. Roytirs agéntliqining xewirige qarighanda, bu kélishim, ikki döletning yadro inirgiye ishlirige mes'ol rehberliri teripidin iranning jenubiydiki bushir yadro éliktir istansisida yekshenbe küni imzalan'ghan.

Kélishimde, iran ishlitip bolghan yadro qalduqlirini rusiyige tapshurishi belgilen'gen. Rusiye bundaq qilish arqiliq, iranning yadro qalduqliridin uran chikilep, yadro qorallarni tereqqiy qildurishining aldini almaqchi iken.

Amérika hökümiti rusiyining iranni yadro yéqilghusi bilen teminlishige intayin qarshi bolup, iranni mexpiy halda yadro qorallarni tereqqiy qilduriwatidu dep qaraytti. Emma rusiye, iran'gha teminligen yadro yéqilghularning ishlitilishini nazaret qilidighanliqini bildürmekte.

Yekshenbe küni imzalan'ghan yadro yéqilghu teminati kélishimi, iranning bushir yadro éliktir istansisining 2006 - yilining axiridin bashlap ishqa kirishishige yol échip béridu. Bushir yadro éliktir istansisi rusiyining yardimi bilen sélin'ghan idi. (Arzu)

© 2005 Radio Free Asia

Munasiwetlik maqalilar

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.