Хитай билән франсийә 14 хил һәмкарлиқ келишими түзди


2006-10-26
Share

Франсийә президенти җак ширак пәйшәнбә күни бейҗиңда, хитай дөләт рәиси ху җинтав билән көрүшүп, икки дөләт оттурисида түзүлгән 14 түрлүк һәмкарлиқ келишимигә қол қойди.

Франсийә агентлиқиниң бу һәқтә бәргән хәвиригә қариғанда, икки тәрәп оттурисида мақулланған келишимнамә ичидә , франсийиниң хитайға A 320 вә A350 типлиқ йолучилар айрупилани ясап бериши һәққидики келишимнамиму бар болуп, буниң қиммити 1 милярд америка доллириға йетидикән.

Бу қетимқи учришишта ширак билән ху җинтав бирләшмә баянат елан қилип, яврупа бирликиниң хитайға берилгән қорал ‏- ярақ имбаргосиниң тезрақ бир тәрәп болушини үмид қилидиғанлиқини билдүрүшти.

Икки тәрәп йәнә, шималий корийә ядро қораллири мәсилисини қандақ бир тәрәп қилиш вә ортақ күч чиқирип, иранниң оран тавлаш һәрикитини тохтитиш қатарлиқ муһим истратегийиләр үстидә музакириләшкән.

Ху җинтав билән ширак арисида имзаланған келишимдә, хитай тәрәп дөләт ичидики кишилик һоқуқ мәсилисни яхшилап, хәлқиниң әқәлли һоқуқлардин бәһримән болушиға йол қоюш һәққидә вәдә бәргән.

Бу ширакниң вәзипигә тәйинләнгәндин бери 4 ‏- қетим хитайни зиярәт қилиши болуп, у пәйшәнбә күни бейҗиң университетида нутуқ сөзлигән. Ширак хитайдики зияритини шәнбә күни аяқлаштуриду. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт