Yawropa ittipaqi bilen xitay toqulma mehsulatlar mesiliside kélishim hasil qildi

Yawropa ittipaqi jüme küni toqulma mehsulatlar mesilisidiki ixtilaplarda xitay bilen kélishim hasil qilghanliqini jakarlidi.

Yawropa ittipaqi soda komisari pétir mandilson bilen xitay soda ministiri bo shiley jüme küni shangxeyde bu mesilidiki ixtilaplarni bir terep qilish üchün söhbet bashlighan. Kélishimgha asasen ikki terep 2008 - yilning axirlirighiche yawropa ittipaqigha éksport qilinidighan xitay toqulma mehsulatlirigha cheklime qoyush arqiliq ikki terep otturisidiki soda ixtilapini waqitliq hel qilghan boldi.

Mandilson söhbettin kéyin muxbirlarni kütüwélip, kélishim yawropa ittipaqi shundaqla tereqqi qiliwatqan döletlerning toqumichiliq igilikige nepes éliwélish pursiti yaratti, dep körsetti.

Dunya soda teshkilatining belgilimisi boyiche, eger xitay toqulma mehsulatlirigha cheklesh tedbiri qoymisa, yawropa ittipaqining tedbir qollinishigha duch kéletti. Mandilson, söhbet bashlinishtin ilgiri, eger xitay toqulma buyumlargha éksport cheklimisi qoymisa, yawropa ittipaning tedbir alidighanliqini agahlandurghan.

Xitay soda ministiri bo shiley, xitayning herikitini dunya soda teshkilatining qa'idisige uyghun, dep aqlighan. Amérika bilen xitay bu ayning bashlirida oxshash mesile boyiche soda söhbiti ötküzgen. Emma otturisidiki ixtilapni hel qilalmighan. Amérika xitayning 7 xil toqulma mehsulatigha cheklime qoyghan idi. (Erkin)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar