Jon kerréy béyjing hökümitini xongkong démokratiyisige tosqunluq qilish bilen eyiblidi


2004.10.29
Share on WhatsApp
Share on WhatsApp

Amérika démokratlar partiyisi prézidént namzati jon kerréy, béyjing da'irilirini xongkong démokratiyisining ilgirlishige tosqunluq qilish bilen eyiblep, eger özi prézidéntliqqa saylinip qalsa xongkong mesilisige köngül bölidighanliqini bildürdi.

keryy.jpg

Birleshme axbarat agéntliqining xewer qilishiche, jon kerréy, béyjing hökümitini xongkong tüp qanunidiki aptonomiye we siyasi hoquqqa kapaletlik qilish heqqidiki wedisini toluq orunlimidi, dep eyibligen. Démokratlar partiyisining prézidént namzati, " eger özem prézidéntliqqa saylinip qalsam xongkong mesilisini xitay rehberlirining aldigha qoyimen" dep tekitligen.

Jon kerréy, xitayning xongkonggha bergen wediside turmisa teywenni birlikke keltürüsh niyitidiki béyjingning öz- özini idare qiliwatqan démokratik teywen'ge xata signal béridighanliqini ilgiri sürgen. Birleshme axbarat agéntliqining bildürüshiche, xitay tashqi ishlar ministirliki joxn keréyning xongkong toghrisidiki sözlirige inkas qayturmighan. Xongkong tüp qanuni xongkonggha gherb istilidiki toluq démokratik hoquq bérilidighanliqini qobul qilghan, biraq buning konkért waqit jedwilini tilgha almighan.

Xongkongliqlar xongkong qanun chiqirish palatasi we xongkong memuri rehbirining omumi xelq saylimi arqiliq wujutqa chiqirilishni telep qilmaqta. Béyjing hökümiti bu yil 4 - ayda omumi saylam élip bérish toghrisidiki teleplerni ret qildi. Amérika tashqi ishlar ministirliki, béyjing hökümitining xongkongda omumi xelq saylimi élip bérishni ret qilghanliqidin ümitsizlen'genlikini bildürgen idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.