Қуш зукими вә менингет кесили асияда қайта әвҗ алди


2005-01-31
Share

Қуш зукими вә менингит кесили вейтнам вә хитайда тез тарқилип он нәччә кишиниң өлишини кәлтүрүп чиқарди.

Америка бирләшмә агентлиқиниң хәвиригә қариғанда, һазир вейтнамда қуш зукими билән өлгәнләрниң сани 12 гә йәткән. Сәһийә хадимлири нөвәттә бу юқумлуқ кесәлниң тез арида техиму көп кишигә тарқилишидин әндишә қилмақта.

Буниң билән бир вақитта йәнә, хитайниң шәрқий қисмидики мәктәпләрдә тарқалған менингит кесили билән өлгәнләрниң сани дүшәнбә күни 8 гә йәтти. Хитай даирилириниң хәвиригә қариғанда, менингит кесили һазирғичә хитайниң 11 шәһиридә байқалған.

Менингит кесили, миңә пәрдисиниң яллуғлинишидин келип чиқидиған бир хил юқумлуқ кесәл болуп, хитайда таралған бу менингит кесили асаслиқи бактирийә тәрипидин қозғитилғачқа, уни контрол қилмақ бир қәдәр тәс болидикән.

Дуня сәһийә тәшкилати хитайда менингит кесили юқумлинишиниң бир қәдәр еғир болидиғанлиқини, санаәтләшкән дөләтләрдә һәр 100 миң адәмниң ичидә 1 яки 3 киши менингит билән юқумланса, хитайда һәр 100 миң кишиниң 500 и менингит кесилигә гириптар болидиғанлиқини мәлум қилди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт