Qush zukimi we ménin'gét késili asiyada qayta ewj aldi


2005-01-31
Share

Qush zukimi we ménin'git késili wéytnam we xitayda téz tarqilip on nechche kishining ölishini keltürüp chiqardi.

Amérika birleshme agéntliqining xewirige qarighanda, hazir wéytnamda qush zukimi bilen ölgenlerning sani 12 ge yetken. Sehiye xadimliri nöwette bu yuqumluq késelning téz arida téximu köp kishige tarqilishidin endishe qilmaqta.

Buning bilen bir waqitta yene, xitayning sherqiy qismidiki mekteplerde tarqalghan ménin'git késili bilen ölgenlerning sani düshenbe küni 8 ge yetti. Xitay da'irilirining xewirige qarighanda, ménin'git késili hazirghiche xitayning 11 shehiride bayqalghan.

Ménin'git késili, minge perdisining yallughlinishidin kélip chiqidighan bir xil yuqumluq késel bolup, xitayda taralghan bu ménin'git késili asasliqi baktiriye teripidin qozghitilghachqa, uni kontrol qilmaq bir qeder tes bolidiken.

Dunya sehiye teshkilati xitayda ménin'git késili yuqumlinishining bir qeder éghir bolidighanliqini, sana'etleshken döletlerde her 100 ming ademning ichide 1 yaki 3 kishi ménin'git bilen yuqumlansa, xitayda her 100 ming kishining 500 i ménin'git késilige giriptar bolidighanliqini melum qildi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet