Hindistan keshmirdin qoshun chékindürüshke bashlidi


2004.11.17

Hindistan bash ministiri manmoxan sin'g keshmir rayonini ziyaret qilghan mezgilde, 1000 gha yéqin hindistan eskiri keshmirning jenubidiki rayonidin chékinip chiqti.

Bu bash ministirning textke chiqqandin buyan tunji qétim bu rayonni ziyaret qilishi bolup, u yéqinda bu rayondiki bir qétimliq yighilishta 8000 ming etrapidiki amma aldida keshmir rayoni bixeterlikining yaxshilan'ghanliqini, shunga uning bu rayondin qoshun chékindürüshni qarar qilghanliqini hemde bu rayonning tereqqiyati üchün 5 milyard amérika dolliri meblegh salidighanliqini jakarlidi.

Keshmir rayonining merkizi minisitiri se'id, hindistanning keshmirdin esker chékindürüshini tebrikligen bolsimu, emma bezi bir qisim islam radikal teshkilatliri, hindistan hökümitining keshmir rayonidiki xelq üstidin élip barghan basturush herikitini yoshurush üchün mushundaq qilghanliqini ilgiri sürdi.

Bash ministir manmoxan sin'g sözide yene, hindistan hökümitining keshmirdiki musteqilchilar bilen shertsiz halda söhbetlishishke teyyar ikenlikini bildürdi.

Hindistan yéngi hökümiti bu yil 5 - ayda textke chiqqandin kéyin, hindistan bilen keshmir musteqilchiliri otturisdiki söhbet üzülüp qalghan bolup, siyasiy analizchilar yéngi déhli hökümitining bu yéngi qedimining muhim sitratigiyilik we déplomatik ehmiyetke ige ikenlikini bildürmekte. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.