Hindistan bilen pakistan keshmirdiki yoluchilar aptobus liniyisini eslige keltürdi

Hindistan bilen pakistan 60 yildin buyan tünji qétim keshmir rayonining özlirige tewe böleklirini tutashturidighan bir yoluchilar aptobus liniyisini eslige keltürdi. Bu hindistan bilen pakistan otturisidiki tinchliqni ilgiri sürüsh musapisining muhim bir terkibi qismi dep qaralmaqta.

En'giliye b b s radi'o - téléwiziyisining peyshenbe künidiki xewirige qarighanda, hindistanning bash ministiri sing shexsen özi keshmirning hindistan bölikidiki sirinagar uzun yolluq aptubus bikitige kilip, keshmirning pakistan kontrolliqidiki muzeffer abadqa qarap yolgha chiqqan tünji yoluchilar aptubusini uzatqan.

Uzun ötmeyla, muzeffer abad tereptinmu bir yoluchilar aptobusi, hindistan kontrolliqidiki keshmir rayonigha qarap yolgha chiqqan.

Buning aldida, keshmirdiki islam pida'iyliri, bu yoluchilar aptobuslirigha hujum qilidighanliqi heqqide tehdid salghan idi. Buninggha qarita, ikki terep hökümiti 170 kilométir uzunluqtiki qatnash liniyiside amanliq tedbirlirini kücheytken.

Charshenbe küni, ikki neper qoralliq kishi, hindistan tewelikidiki keshmirning sirinagar shehiride pakistan'gha ötidighan aptubusni kütüp turush zalidiki yoluchilargha hojum qilghan. Hindistan da'irilirining bildürishiche, toqunushta ikki neper qoralliq kishi ölgen. Yoluchilardin hichkim ziyan- zexmetke uchrimighan. (Arzu)