كەشمىردىكى يەر تەۋرەشتىكى ئاپەتتىن قۇتقۇزۇش ئىشلىرى يىتەرسىز بولماقتا


2005.10.20
Share on WhatsApp
Share on WhatsApp

‎ جەنۇبىي ئاسىيانىڭ كەشمىر رايونىدا يۈز بەرگەن دەھشەتلىك يەر تەۋرەش ۋەقەسىدە ‎ئۆلگەنلەرنىڭ سانى پەيشەنبە كۈنى 79 مىڭدىن ئاشتى. پاكىستان تەۋەسىدىكى كەشمىر رايونىدا ‎تېخىمۇ كۆپ جەسەتلەر بايقالماقتا. ‎

‎ ئامېرىكا ئاخبارات ئاگېنتلىقىنىڭ خەۋىرىگە قارىغاندا، كەشمىرنىڭ ھىمالايا تاغلىق ‎رايونلىرىدا ئەگەشمە يەر تەۋرەشلەر داۋام قىلىۋاتقان بولۇپ، ئۆي - ماكانىدىن ئايرىلغان ‎كىشىلەر كۈنلىرىنى دەككە- دۈككىدە ئۆتكۈزمەكتە. ‎

‎ شىمالىي ئاتلانتىك ئەھدى تەشكىلاتى پەيشەنبە كۈنىدىن باشلاپ، ئاپەتكە ئۇچرىغان ‎رايونلارغا كەڭ كۆلەمدە ھاۋادىن قۇتقۇزۇش بويۇملىرىنى يەتكۈزۈشكە باشلىدى. ئۇلار ‎ئاساسلىقى ئاپەتكە ئۇچرىغان خەلقلەرنىڭ قىشنى ئۆتكۈزىشىگە كېرەكلىك بۇيۇملارنى توشىدى. ‎كېيىنكى بىر نەچچە ھەپتە ئىچىدە ش ئا ئو ئە ت يەنە مەش ، چىدىر ۋە ئەدىيالغا ئوخشاش ‎جىددىي كېرەكلىك بويۇملارنى يىراق كەنتلەرگە يەتكۈزۈشكە تىرىشىدىكەن. ‎

‎ بۇنىڭ ئالدىدا، ب د ت نىڭ باش سېكرىتارى كوفى ئەننان قۇتقۇزۇش مەبلىغىنىڭ ئىنتايىن ‎كەمچىل ئىكەنلىكىنى بىلدۈرۈپ، بۇ خىل ۋەزىيەتنىڭ ئاپەتكە ئۇچرىغان نۇرغۇن كىشىلەرنىڭ ‎ھايات- ماماتلىقىغا خەۋپ ئېلىپ كېلىدىغانلىقىنى ئاگاھلاندۇرغان ئىدى. ‎

‎ ب د ت نىڭ پاكىستانغا ياردەم بېرىش ئىشلىرىغا مەسئول خادىمىنىڭ بىلدۈرۈشىچە، تاشقى ‎دۇنيا نۆۋەتتە ئاپەت رايونىدىكى مۈشكۈل ۋەزىيەتنى تېخى تونۇپ يەتمىگەندەك. ھەر قايسى ‎دۆلەتلەر ھازىر ئاپەتتىن قۇتقۇزۇش ئىشلىرىغا كېرەكلىك 250 مىليون دوللار پۇلنىڭ ئاران 20% ‎ئىنى بېرىشنى ۋەدە قىلغان بولۇپ، ئەمەلىيلەشكەن پۇل بۇنىڭ 12% ئىگىمۇ يەتمەيدىكەن. ‎

‎ بېيجىڭدا تۇرىۋاتقان ب د ت نىڭ قۇتقۇزۇش ئىشلىرىنى تەڭشىگۈچى خادىمى، پاكىستانغا ‎خوشنا بولغان خىتاينى جىددىي زۆرۈر بولۇۋاتقان چىدىرلارنى ئىئانە قىلىشقا چاقىردى. (ئارزۇ)‎

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.