Кәшмирдики йәр тәврәштики апәттин қутқузуш ишлири йитәрсиз болмақта


2005.10.20
Share on WhatsApp
Share on WhatsApp

‎ Җәнубий асияниң кәшмир районида йүз бәргән дәһшәтлик йәр тәврәш вәқәсидә ‎өлгәнләрниң сани пәйшәнбә күни 79 миңдин ашти. Пакистан тәвәсидики кәшмир районида ‎техиму көп җәсәтләр байқалмақта. ‎

‎ Америка ахбарат агентлиқиниң хәвиригә қариғанда, кәшмирниң һималая тағлиқ ‎районлирида әгәшмә йәр тәврәшләр давам қиливатқан болуп, өй - маканидин айрилған ‎кишиләр күнлирини дәккә- дүккидә өткүзмәктә. ‎

‎ Шималий атлантик әһди тәшкилати пәйшәнбә күнидин башлап, апәткә учриған ‎районларға кәң көләмдә һавадин қутқузуш боюмлирини йәткүзүшкә башлиди. Улар ‎асаслиқи апәткә учриған хәлқләрниң қишни өткүзишигә керәклик буюмларни тошиди. ‎Кейинки бир нәччә һәптә ичидә ш а о ә т йәнә мәш , чидир вә әдиялға охшаш ‎җиддий керәклик боюмларни йирақ кәнтләргә йәткүзүшкә тиришидикән. ‎

‎ Буниң алдида, б д т ниң баш секритари кофи әннан қутқузуш мәблиғиниң интайин ‎кәмчил икәнликини билдүрүп, бу хил вәзийәтниң апәткә учриған нурғун кишиләрниң ‎һаят- маматлиқиға хәвп елип келидиғанлиқини агаһландурған иди. ‎

‎ Б д т ниң пакистанға ярдәм бериш ишлириға мәсол хадиминиң билдүрүшичә, ташқи ‎дуня нөвәттә апәт районидики мүшкүл вәзийәтни техи тонуп йәтмигәндәк. Һәр қайси ‎дөләтләр һазир апәттин қутқузуш ишлириға керәклик 250 милйон доллар пулниң аран 20% ‎ини беришни вәдә қилған болуп, әмәлийләшкән пул буниң 12% игиму йәтмәйдикән. ‎

‎ Бейҗиңда туриватқан б д т ниң қутқузуш ишлирини тәңшигүчи хадими, пакистанға ‎хошна болған хитайни җиддий зөрүр болуватқан чидирларни ианә қилишқа чақирди. (Арзу)‎

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.