Keshmirdiki yer tewreshtiki apettin qutquzush ishliri yitersiz bolmaqta


2005.10.20
Share on WhatsApp
Share on WhatsApp

‎ Jenubiy asiyaning keshmir rayonida yüz bergen dehshetlik yer tewresh weqeside ‎ölgenlerning sani peyshenbe küni 79 mingdin ashti. Pakistan tewesidiki keshmir rayonida ‎téximu köp jesetler bayqalmaqta. ‎

‎ Amérika axbarat agéntliqining xewirige qarighanda, keshmirning himalaya taghliq ‎rayonlirida egeshme yer tewreshler dawam qiliwatqan bolup, öy - makanidin ayrilghan ‎kishiler künlirini dekke- dükkide ötküzmekte. ‎

‎ Shimaliy atlantik ehdi teshkilati peyshenbe künidin bashlap, apetke uchrighan ‎rayonlargha keng kölemde hawadin qutquzush boyumlirini yetküzüshke bashlidi. Ular ‎asasliqi apetke uchrighan xelqlerning qishni ötküzishige kéreklik buyumlarni toshidi. ‎Kéyinki bir nechche hepte ichide sh a o e t yene mesh , chidir we ediyalgha oxshash ‎jiddiy kéreklik boyumlarni yiraq kentlerge yetküzüshke tirishidiken. ‎

‎ Buning aldida, b d t ning bash sékritari kofi ennan qutquzush meblighining intayin ‎kemchil ikenlikini bildürüp, bu xil weziyetning apetke uchrighan nurghun kishilerning ‎hayat- mamatliqigha xewp élip kélidighanliqini agahlandurghan idi. ‎

‎ B d t ning pakistan'gha yardem bérish ishlirigha mes'ol xadimining bildürüshiche, tashqi ‎dunya nöwette apet rayonidiki müshkül weziyetni téxi tonup yetmigendek. Her qaysi ‎döletler hazir apettin qutquzush ishlirigha kéreklik 250 milyon dollar pulning aran 20% ‎ini bérishni wede qilghan bolup, emeliyleshken pul buning 12% igimu yetmeydiken. ‎

‎ Béyjingda turiwatqan b d t ning qutquzush ishlirini tengshigüchi xadimi, pakistan'gha ‎xoshna bolghan xitayni jiddiy zörür boluwatqan chidirlarni i'ane qilishqa chaqirdi. (Arzu)‎

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.