Kishilik hoquqni közitish teshkilati, tunji qétim xitayda söz qilish imtiyazigha érishti


2004.12.14
Share on WhatsApp
Share on WhatsApp

Xelq'ara kishilik hoquqni közitish teshkilati wekili deywés seyshenbe küni, shangxeyde "eydiz bimarliri we qanun" namliq témida élip bérilghan yighin'gha qatnashti we bu yighinda söz qildi.

Fransiye agéntliqining xewirige qarighanda, bu qétim kishilik hoquq közitish teshkilati tunji qétim xitayda ochuq meydanda söz qilish imtiyazigha érishken bolup, bu kishilik hoquqqa ehmiyet bermeydighan xitay üchün élip éytqanda alahide bir ish hésablinidu.

Xewerlerge qarighanda, bu qétimqi yighin shangxey uniwérsitéti qanun inistitutining eydiz bimarliri hoquqi pa'aliyetchisi wen tingxey teripidin orunlashturulghan iken.

Xitay ichidiki eydizge munasiwetlik 25 orun, guruppilar mezkur yighin'gha qatniship, eydizning yamrap kétishidiki sewebler heqqide muzakire élip barghandin sirt, bu qétimqi yighinning bir alahidiliki shuki, yighinda yene pikir qilish, yighilish erkinliki, uchur - alaqe shuningdek xitayning türme mesilisi alahide otturigha qoyulghan.(Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.