Kishilik hoquq teshkilatliri kanada bash ministirini xitaygha bésim ishlitishke chaqirdi

Xelq'ara kechürüm teshkilati we kishilik hoquq pa'aliyetchiliri birleshmisi yéqinda kanada bash ministirini, xitaygha qilidighan ziyariti dawamida xitaygha kishilik hoquq ehwalini yaxshilash heqqide bésim ishlitishke chaqirdi.

Fransiye agéntliqining xewirige qarighanda, xelq'ara kechürüm teshkilatining kanada bash ministiri pol martin'gha sun'ghan xétide, " mezkur teshkilat sizning xitaygha qilghan ziyaritingizdin paydilinip, kanada-xitay munasiwetlirini téximu keskin usulda tereqqiy qildurishingizni ündeydu." Dep körsetken.

Bu xette yene, kanadaning xitay bilen bolghan munasiwetni tereqqiy qildurushta, kishilik hoquq mesilisining nahayiti keskin we mustehkem halda eng aldinqi küntertipke qoyulidighan mesile bolishi tekitlen'gen.

Kanadadiki bezi kishilik hoquq teshkilatliri we pa'aliyetchiler kanada hökümitining xitay bilen bolghan soda munasiwitini dep xitayning kishilik hoquq mesilisige ajiz pozitsiye tutiwatqanliqini eyiblimekte.

Kanada bash ministiri pol martin yéqinda asiya sepirini bashlap, 1 - ayning 20 - künidin 23 - künigiche xitayda ziyarette bolmaqchi. (Peride)