Amérika kishilik hoquq doklatida xitayni tenqid qilishi mumkin


2005.02.20
Share on WhatsApp
Share on WhatsApp

Amérika tashqi ishlar ministirliqi mushu hepte ichide yilliq kishilik hoquq doklatini élan qilidu. Birleshme axbarat agéntliqining bush hökümitidiki emeldarlarning sözini neqil keltürüshiche, amérika tashqi ishlar ministirliqi yilliq doklatida xitay kishilik hoquq xatirisini yene tenqid qilidiken. Biraq amérika hökümiti, b d t kishilik hoquq komitétining kéler aydiki jenwede chaqirilidighan kishilik hoquq yighinida, xitay kishilik hoquq xatirisini tenqid qilish lahiyisi otturigha qoyush yaki qoymasliqni téxi qarar qilmighan.

Amérika tyen'enmin weqesidin kéyin b d t kishilik hoquq yighinida her yili dégüdek xitay kishilik hoquq xatirisini tenqid qilish lahiyisini otturigha qoyup keldi. Biraq bu layihiler xitayning kishilik hoquq komitétidiki diplomatik pa'aliyitining netijiside eza döletler teripidin qobul qilinmighan. Tashqi ishlar ministirliqi ötken yili élan qilghan doklatida, xitay kishilik hoquq xatirisini "nachar" dep teripligen idi.

Tashqi ishlar ministirliqidiki emeldarlar, bu yilmu xitay kishilik hoquq xatirisining "nachar" dep teriplinidighanliqini bildürgen.

Birleshme axbarat agéntliqining xewer qilishiche, xitaylar amérika tashqi ishlar ministirliqidiki emeldarlardin xitayni tenqid qilish layihisi otturigha qoymasliqni telep qilip, buning xitay - amérika munasiwitige zerer yetküzidighanliqini agahlandurghan.

Biraq amérika tashqi ishlar ministirliqidiki emeldarlar, kishilik hoquq mesilisini xitay - amérika munasiwitidiki bashqa mesililer bilen chétiwalmasliqni ümid qilidiken. Béyjing hökümiti 2003 - yili rabiye qadirni öz ichige alghan türmidiki bezi siyasi mehbuslarni qoyup béridighanliqini wede qilghandin kéyin, amérika hökümiti shu yilqi kishilik hoquq yighinida xitayni tenqid qilish layihisi otturigha qoymighan. Amma kéyin amérika xitayni siyasi mehbuslarning qoyup bérish toghrisidiki wedisige emel qilmidi, dep eyibligen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet