Xitayning kishilik hoquq xatirisi amérikini ümidsizlendürdi


2005-02-28
Share

Amérika tashqi ishlar ministirliqi düshenbe küni dunyaning 2004 - yildiki kishilik hoquq weziyiti heqqide doklat élan qilip, xitay kishilik hoquq xatirisining 2004 - yildiki tereqqiyati we bu sahediki hemkarliqi kishini ünmidsizlendüridu, dep körsetti.

Amérika tashqi ishlar ministirliqi, xitay hökümitini 2002 - yildiki xitay - amérika kishilik hoquq söhbitide amérikigha bergen wedisini orunlimidi, dep eyibligen. Xitay hökümitining térorchiliqqa qarshi turushni bahane qilip, tinch we mötidil ussullar arqiliq uxshimighan köz qarishini ipadiligen Uyghurlarning basturulghanliqini shundaqla tashqi dunyaning xitay kishilik hoquq xatirisini nazaret qilishigha yol qoymighanliqini tilgha alghan.

Tashqi ishlar ministyirliqining doklatida körsitilishiche, xitay hökümiti ötken yili siyasi öktichilerni, öktichilerning adwukatlirini, eydiz késellirige yardem qilghuchilarni, diniy zatlarni, muxbirlarni, oxshimighan köz qarashtiki ziyalilarni shundaqla ishchilar herikitining rehberlirini dawamliq tutqun qilghan.

Tashqi ishlar ministirliqi xitay da'irilirining mehbuslargha ten jazasi bériwatqanliqini tenqid qilip, gerche kishilik hoquqni qoghdash we hörmet qilish xitay asasi qanunigha kirgüzülgen bolsimu biraq, béyjing da'irilirining mezkur qanun maddisigha qaysi derijide emel qilidighanliqi yenila ayding emes, dep tekitligen. Amma béyjing hökümiti, xitay kishilik hoquq xatirisi toghrisidiki tenqidlerni ret qilip kelmekte. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet