Алтә әң мустәбит һакимийәт, б д т кишилик һоқуқ комитетиниң әзаси


2005-03-31
Share

Баш шитаби вашингтондики һөкүмәткә қаримайдиған орган һесабланған "әркинлик өйи" пәйшәнбә күни доклат елан қилип, б д т кишилик һоқуқ комитетиниң әзалири ичидә дунядики алтә әң мустәбит һакимийәт барлиқини ашкарилиди.

"Әркинлик өйи" ниң көрситишичә, бу алтә дөләт, хитай, куба, еритерийә, судан вә зимбабувилардин ибарәт икән.

"Әркинлик өйи", б д т кишилик һоқуқ комитетиниң йиллиқ йиғини җәнвәдә ечиливатқан бир пәйттә елан қилған доклатида, "б д т кишилик һоқуқ комитети дунядики кишилик һоқуқни әң еғир дәпсәндә қиливатқан дөләтләрни очуқ ашкара әйиблимәстин, бәлки уларни қоғдаватиду. Бу хил мустәбит һакимийәтләрни б д т кишилик һоқуқ комитетида демократик дөләтләрни баһалайдиған орунға олтурғузиватиду" дәп көрсәткән.

Әмма, "әркинлик өйи" б д т ниң баш секритари кофи әннанниң йеқинда оттуриға қойған кишилик һоқуқ хатириси яхши дөләтләрдин б д т ниң йеңи бир кишилик һоқуқ оргинини тәшкилләп, нөвәттики кишилик һоқуқ комитетиниң орниға дәсситиш һәққидики тәклибини қарши алди. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт