Alte eng mustebit hakimiyet, b d t kishilik hoquq komitétining ezasi

Bash shitabi washin'gtondiki hökümetke qarimaydighan organ hésablan'ghan "erkinlik öyi" peyshenbe küni doklat élan qilip, b d t kishilik hoquq komitétining ezaliri ichide dunyadiki alte eng mustebit hakimiyet barliqini ashkarilidi.

"Erkinlik öyi" ning körsitishiche, bu alte dölet, xitay, kuba, éritériye, sudan we zimbabuwilardin ibaret iken.

"Erkinlik öyi", b d t kishilik hoquq komitétining yilliq yighini jenwede échiliwatqan bir peytte élan qilghan doklatida, "b d t kishilik hoquq komitéti dunyadiki kishilik hoquqni eng éghir depsende qiliwatqan döletlerni ochuq ashkara eyiblimestin, belki ularni qoghdawatidu. Bu xil mustebit hakimiyetlerni b d t kishilik hoquq komitétida démokratik döletlerni bahalaydighan orun'gha olturghuziwatidu" dep körsetken.

Emma, "erkinlik öyi" b d t ning bash sékritari kofi ennanning yéqinda otturigha qoyghan kishilik hoquq xatirisi yaxshi döletlerdin b d t ning yéngi bir kishilik hoquq orginini teshkillep, nöwettiki kishilik hoquq komitétining ornigha dessitish heqqidiki teklibini qarshi aldi. (Arzu)