Amérika dölet mejlisidiki zatlar xitay kishilik hoquq xatirisi boyiche aq sarayni eyiplidi
2005.04.01
Amérika dölet mejlisining ezasi kristofir sims, bush hökümitining jenwe kishilik hoquq yighinida, xitay kishilik hoquq xatirisidiki mejburi bala qirdurush, ten jazasi bérish, diniy basturush qatarliq qilmishlarni tenqid qilishtin waz kechkenlikini eyiplidi.
Amérika tashqi ishlar ministirliqi yéqinda xitay kishilik hoquq xatirisidiki bezi ilgirleshlerni küzde tutup, bu yilqi jenwe kishilik hoquq yighinida xitayni tenqid qilish layihisi otturigha qoymaydighanliqini jakarlighan.
Metbu'atlarning ilgiri sürüshiche, amérika xitaylarning rabiye qadirni qoyup bérish bedilige béyjing da'irilirini tenqid qilish lahiyisidin waz kechken. Amma kristofir sims, rabiye qadirning qoyup bérilishini kishilik hoquq jehettiki ilgirlesh, dep qaridi. Biraq u, " rast gepni qilsam amérikining xitayni tenqid qilish lahiyisidin waz kechkenlikige qoshulmaymen, dédi. Xitayning kishilik hoquqni depsende qilish herikitige dölet mejliside endishining küchiyitiwatqanliqini tekitligen kristofir sims, "kishilik hoquq mesilisige sodini arlashturush bolmighur ehwal," dep körsetti.
Kristofir sims, xitayning hökümitining "bir perzent körüsh siyasiti" ni tenqid qilghan. U, bu siyaset boyiche "milyonlighan kishilerning bala qirdurush shundaqla bala chüshürüshke mejburlan'ghan" liqini tekitlidi. Amma amérikining jenwediki bash elchisi kewin moléy, bush hökümitining siyasitini aqlighan. Moléy, " biz bolmidi dégende ularning xelq'ara jema'etni hörmet qilish üchün, xitay bilen söhbet élip bériwatimiz," dégen. (Erkin)
Munasiwetlik maqalilar
- Alte eng mustebit hakimiyet, b d t kishilik hoquq komitétining ezasi
- Amérika tashqi ishlar ministirliqi, xitaydiki kishilik hoquq toghrisida yilliq doklat élan qildi
- Xitayning kishilik hoquq xatirisi amérikini ümidsizlendürdi
- B d t kishilik hoquq komitéti xitay edliye organlirini tenqid qildi
- Chégrasiz muxbirlar teshkilati b d t ning xitayni kishilik hoquq weziyitini bahalashqa qatnashturghanliqini eyiplidi