Канада вә хитай арисидики кишилик һоқуқ сөһбити аяқлашти


2005-11-03
Share

Канада вә хитайниң йиллиқ кишилик һоқуқ сөһбити пәйшәнбә күни канадада аяқлашти

Бу йилқи сөһбәткә канададин ташқи ишлар министирлиқи кишилик һоқуқ назаритиниң мәсуллири башчилиқидики вәкилләр қатнашқан .Улар сөһбәтни торонто, монтириял қатарлиқ җайларға йөткәп өткүзүш арқилиқ, хитай тәрәпниң вәкиллиригә канада сақчилириниң қанун иҗра қилиш тәртипи вә сотниң сотлаш тәртипини әмәлий мисаллар билән тонуштурған.

Канада ташқи ишлар министирлиқиниң баянатчисиниң билдүрүшичә, канада тәрәп сөһбәттә, хитай сақчилириниң һоқуқини қалаймиқан ишлитиши, қанун иҗра қилиш җәрянида зораванлиқ васитиләрни қоллинишидин әндишә қиливатқанлиқини билдүргән.

Канада даирилири йәнә хитай һөкүмитиниң сөз вә диний әркинликни боғуши, аз санлиқ милләтләрни бастуруши, сиясий мәһбусларға адаләтсиз муамилә қилиши, өлүм җазасиникөп қоллиниши қатарлиқ кишилик һоқуқ дәпсәнчиликлиригә интайин көңүл бөливатқанлиқини оттуриға қойған.

Әмма хитай вәкилләр өмикиниң мәсоли шин юңшияң, канада даирилири оттуриға қойған тәнқидий пикирләрниң, канаданиң хитайдики әмилий әһвални чүшәнмигәнликини көрситидиғанлиқини ейтқан. У хитайниң кишилик һоқуқ вәзийитидә көринәрлик илгириләшләр боливатқанлиқини билдүргән.

Бу арида, хәлқара кишилик һоқуқ тәшкилатлиридин болған хәлқара кәчүрүм тәшкилати, икки тәрәп кишилик һоқуқ сөһбитиниң әмилий нәтиҗиси болмайватқанлиқини көрситип, дөләтләрни хитайға техиму көп бесим ишлитишкә чақирди. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт