Kanada we xitay arisidiki kishilik hoquq söhbiti ayaqlashti


2005-11-03
Share

Kanada we xitayning yilliq kishilik hoquq söhbiti peyshenbe küni kanadada ayaqlashti

Bu yilqi söhbetke kanadadin tashqi ishlar ministirliqi kishilik hoquq nazaritining mes'ulliri bashchiliqidiki wekiller qatnashqan .Ular söhbetni toronto, montiriyal qatarliq jaylargha yötkep ötküzüsh arqiliq, xitay terepning wekillirige kanada saqchilirining qanun ijra qilish tertipi we sotning sotlash tertipini emeliy misallar bilen tonushturghan.

Kanada tashqi ishlar ministirliqining bayanatchisining bildürüshiche, kanada terep söhbette, xitay saqchilirining hoquqini qalaymiqan ishlitishi, qanun ijra qilish jeryanida zorawanliq wasitilerni qollinishidin endishe qiliwatqanliqini bildürgen.

Kanada da'iriliri yene xitay hökümitining söz we diniy erkinlikni boghushi, az sanliq milletlerni basturushi, siyasiy mehbuslargha adaletsiz mu'amile qilishi, ölüm jazasiniköp qollinishi qatarliq kishilik hoquq depsenchiliklirige intayin köngül böliwatqanliqini otturigha qoyghan.

Emma xitay wekiller ömikining mes'oli shin yungshiyang, kanada da'iriliri otturigha qoyghan tenqidiy pikirlerning, kanadaning xitaydiki emiliy ehwalni chüshenmigenlikini körsitidighanliqini éytqan. U xitayning kishilik hoquq weziyitide körinerlik ilgirileshler boliwatqanliqini bildürgen.

Bu arida, xelq'ara kishilik hoquq teshkilatliridin bolghan xelq'ara kechürüm teshkilati, ikki terep kishilik hoquq söhbitining emiliy netijisi bolmaywatqanliqini körsitip, döletlerni xitaygha téximu köp bésim ishlitishke chaqirdi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet