Li jawshing, shwétsariye tashqi ishlar ministiri bilen kishilik hoquq mesililiri boyiche sözleshti


2006.02.03

Xitay tashqi ishlar ministiri li jawshing peyshenbe küni shwétsariyining bérin shehiride shwétsariye tashqi ishlar ministiri kalmiy réy xanim bilen uchrashqanda, jonggo kishilik hoquq ölchimidiki perqlerni tügütüsh üchün tirishmaqta, dep körsetti. U, kalmiy réy bilen uchrashqandin kéyin muxbirlargha xitay kishilik hoquq weziyitini ima qilip, " bu yerde qilishqa tégishlik nurghun ishlar bar," dep tekitligen.

Xitay da'iriliri b d t ning kishilik hoquq ehdinamilirigha qol qoyghan bolsimu, emma uni ijra qilish mesiliside sörelmilik qilish bilen eyiplenmekte. Li jawshing xitay kishilik hoquq xatirisini aqlap, amérikini yoshurun tenqid qildi. U, " jonggo qol qoyghan kishilik hoquq ehdinamiliri amérikidin köp," deydu.

Tashqi ishlar ministiri kalmiy réyning tekitlishiche, shwétsariye 1991 - yildin béri xitay bilen kishilik hoquq mesililiri boyiche söhbet élip barmaqta. U, bu söhbet öz ara chüshünishke paydiliq,' deydu. Fransiye axbarat agéntliqining xewerqilishiche, li jawshing bilen kalmiy réy söhbet jeryanida b d t kishilik hoquq komitétining islahati we kishilik hoquq kéngishi qurush qatarliq mesililerni muzakire qilghan.

B d t ning hazirqi mewjut kishilik hoquq komitéti kishilik hoquqni depsende qiliwatqan döletler teripidin igilliwélindi, dep tenqidlenmekte. Fransiye axbarat agéntliqining tekitlishiche, xitaygha oxshash bezi döletler kishilik hoquq komitétidiki ornidin paydilinip, mezkur komitétning bezi qararlarni chiqirishigha tosqunluq qilghan. Emma béyjing da'iriliri bu xil eyipleshni ret qilghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.