Yawropa ittipaqi, xitaydiki kishilik hoquq weziyiti toghrisida jiddiy qayghusini ipadilidi

2006-12-11
Élxet
Pikir
Share
Print

Kéler yili xitay bilen yéngi bir istratégiyilik hemkarliq üchün söhbet bashlash toghrisida qarar bérish aldida turghan yawropa ittipaqi, düshenbe küni kishilik hoquqning xitaydiki weziyiti toghrisida jiddiy qayghusini ipadilidi. Yawropa ittipaqi shundaqla xitaygha qaritilghan qoral imbagosining bikar qilinishi üchün ottura qoyulgha shertlerdin wazkechmeydighanliqini tekitlidi.

Yawropa ittipaqi tashqi ishlar ministirlirining biryusilda ötküzgen yéghinida, béyjing hökümitining xitay puqralirining iqtsadiy jehetteki hoquqini kéngeytish herikitini hemde edliye sistémisini islah qilish toghrisidiki wedisini qizghin qarshi alidighanliqini bildürgen. Lékin ular kishilik hoquqning xitaydiki weziyiti heqqide qayghulirining dawamlishidiwatqanliqini tekitli'ep, xitayda metbu'at erkinliki, söz erkinliki, diniy erkinlik mesiliside héchqandaq özgirish meydan'gha kelmigenlikini hemde azsanliq milletlerge qaritilghan bésimning hemde ölüm jazasining üzlüksiz dawamlishiwatqanliqini alahide eskertken.

Yawropa ittipaqigha eza 25 döletning tashqi ishlar ministirliri xitay hökümitidin xelq'ara ijtima'iy we siyasiy hoquqlar kélishimini tézdin imzalashqa chaqirghan. Yawropa ittipaqi shundaqla 1989‏- yili yüz bergen tyen enmin oqughuchilar herikitining basturulushidin kéyin xitaygha qarita yolgha qoyulghan qoral imbargosining, xitaydiki kishilik hoquq weziytide özgirish meydan'gha kelmigiche, bikar qilinmaydighanliqini eskertken.

Xewerlerge qarighanda, xitay bilen yawropa ittipaqi otturisida yéngi we keng da'irilik hemkarliq qurush toghrisida élip bérilidighan söhbetler, yanwar iyida bashlaydiken. (Qanat)

Pikirler (0)
Share
Toluq bet