Kishilik hoquq teshkilatliri xitay hökümitini " dölet mexpiyetliki" uqumini izahlashqa chaqirdi
2007.06.12
Merkizi amérikining nyu york shehiridiki xitayda kishilik hoquq teshkilati 12- iyun küni bir doklat élan qilip, xitay hökümitini " dölet mexpiyetliki" dégen uqumning némilerni öz ichige alidighanliqi heqqide éniqlima bérishke chaqirdi.
Xitayda kishilik hoquq teshkilatining mudiri sharon ham, doklatning élan qilin'ghanliqi munasiwiti bilen muxbirlargha bergen bayanatida, " xitay xelq'ara jama'etning hörmetke sazawer bir ezasi bolushni xalaydu. Béyjingning olimpik tenheriket yighinigha sahibxanliq qilishtiki asasliq nishanimu, xelq'ara jama'etning hörmitige érishish. Xitay hökümiti bu meqsetke yétish üchün hem dölet ichide hem dölet sirtida kishilik hoquqqa hürmet qilishi kérek" dédi.
Xitay kompartiyisining uzun yillardin béri öktichilerni basturush üchün mexpiyetlik qanunidin paydiliniwatqanliqini eskertken sharon ham, buninggha munasiwetler qanunlar, xitay kompartiyisige "dölet mexpiyetliki" ning néme ikenlikini xalighanche özgertish pursiti yaritip bériwatidu dep, körsetti.
Bayanatida, xitay hökümitining 1999- yilda Uyghur milliy herikitining yétekchisi rabiye qadir xanimni we 1998- yili Uyghur tarixchisi toxti tuniyazni qolgha élishta " dölet mexpiyetliki" uqumidin paydilan'ghanliqini tekitligen sharon ham, xitay hökümitining rabiye qadir xanimni amérikida yashawatqan yoldishigha gézitte élan qilin'ghan xewerlerni ewetkenliki üchünla, sekkiz yilliq qamaq jazasigha höküm qilghanliqini, alahide eskertti. (Ömer qanat)
Munasiwetlik maqalilar
- Amérika yardemchi tashqi ishlar ministiri bawcher ottura asiyani ziyaret qilmaqta
- Kishilik hoquq teshkilatliri xitaydin ölüm jazasini azaytishni telep qildi
- Kishilik hoquqni küzütüsh teshkilati: xitay olimpik jeryanida axbarat erkinlikini qoyuwétish wediside turmidi
- Rusiye bilen yawropa ittipaqi yighinida insan hoquqi mesilisi muhim téma boldi
- Xitay, kishilik hoquq xatirisi " nacharning ichidiki eng nachar" döletler tizimlikige kirgüzüldi
- Kishilik hoquq teshkilatliri birleshken döletler teshkilatining kishilik hoquq kéngishini eyiblidi
- Xelq'ara kechürüm teshkilati xitayda ötküzülidighan olimpik toghrisida doklat élan qildi
- Xelq'ara kechürüm teshkilati, béyjing olimpik yighini xitayning kishlik hoquq xatirisini tekshüridighan yaxshi purset ikenlikini körsetti