Кишилик һоқуқ кеңиши:дөләтләрниң кишилик һоқуқ хатирисини тәкшүрүштә йеңи қанун лайиһиси мақуллиди


2007.06.19
Share on WhatsApp
Share on WhatsApp

Б д т кишилик һоқуқ кеңиши б д т ға әза барлиқ дөләтләрниң кишилик һоқуқ хатириси үстидә давамлиқ тәкшүрүш елип бериш тоғрисида йеңи бир қанун лайиһиси мақуллап, мәзкүр қанун лайиһисини әза дөләтләрниң қобул қилиши керәкликини бекитти.

14 Саәткә йеқин талаш - тартиш вә һәр хил ихтилаплардин кейин мақулланған мәзкур қанун лайиһисигә, хитай тәрәп әң көп қаршилиқ билдүрди.

Б д т кишилик һоқуқ кеңиши йәнә, куба билән русийини алаһидә тәкшүрүш елип баридиған дөләтләр тизимлики қатаридин елип ташлиди.

47 Дөләтниң әза болуши билән тәшкилләнгән кишилик һоқуқ кеңиши, әслидики кишилик һоқуқ комитетиниң орниға қурулған болуп, пүтүн дуняниң кишилик һоқуқини қоғдашни мәқсәт қилиду.

Хитай, б д т кишилик һоқуқ кеңишигә әза дөләтләрниң 3 дин 2 синиң мақуллуқини алғандин кейин, андин кишилик һоқуққа хилаплиқ қилған дөләтләр үстидә тәкшүрүш елип беришни тәләп қилған. Бирақ әза дөләтләр, айрим бир қисим дөләтләрниң кишилик һоқуқини тәкшүрүш қарарини авазға қоюш шуниңдәк кеңәшниң мақуллуқини алғандин кейин тәкшүрүшни башлаш тәклипини оттуриға қойди.

Нөвәттә шималий корийә, камбоджа вә суданни өз ичигә алған 9 дөләт кишилик һоқуқ кеңишиниң алаһидә тәкшүрүш тизимликидики дөләтләр қатаридин йәр алмақта. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.