Kishilik hoquq kéngishi:döletlerning kishilik hoquq xatirisini tekshürüshte yéngi qanun layihisi maqullidi

B d t kishilik hoquq kéngishi b d t gha eza barliq döletlerning kishilik hoquq xatirisi üstide dawamliq tekshürüsh élip bérish toghrisida yéngi bir qanun layihisi maqullap, mezkür qanun layihisini eza döletlerning qobul qilishi kéreklikini békitti.

14 Sa'etke yéqin talash - tartish we her xil ixtilaplardin kéyin maqullan'ghan mezkur qanun layihisige, xitay terep eng köp qarshiliq bildürdi.

B d t kishilik hoquq kéngishi yene, kuba bilen rusiyini alahide tekshürüsh élip baridighan döletler tizimliki qataridin élip tashlidi.

47 Döletning eza bolushi bilen teshkillen'gen kishilik hoquq kéngishi, eslidiki kishilik hoquq komitétining ornigha qurulghan bolup, pütün dunyaning kishilik hoquqini qoghdashni meqset qilidu.

Xitay, b d t kishilik hoquq kéngishige eza döletlerning 3 din 2 sining maqulluqini alghandin kéyin, andin kishilik hoquqqa xilapliq qilghan döletler üstide tekshürüsh élip bérishni telep qilghan. Biraq eza döletler, ayrim bir qisim döletlerning kishilik hoquqini tekshürüsh qararini awazgha qoyush shuningdek kéngeshning maqulluqini alghandin kéyin tekshürüshni bashlash teklipini otturigha qoydi.

Nöwette shimaliy koriye, kambodzha we sudanni öz ichige alghan 9 dölet kishilik hoquq kéngishining alahide tekshürüsh tizimlikidiki döletler qataridin yer almaqta. (Eqide)