Кишилик һоқуқ көзитиш тәшкилати хитайни ахбарат әркинликини вә кишилик һоқуқни бастуруш билән әйиблиди

2007-08-07
Елхәт
Пикир
Share
Принт

Хәлқара кишилик һоқуқ көзитиш тәшкилати сәйшәнбә күни доклат елан қилип хитайни" олимпик өткүзүштә бәргән вәдисигә хилаплиқ қилип ахбарат саһәсини давамлиқ бастурмақта"дәп әйиблиди һәмдә хәлқара олимпик комитетини бейҗиңға қарита ахбарат саһәсигә әркинлик бериш һәққидә бесим ишлитишкә чақирди.

Кишилик һоқуқ көзитиш тәшкилатиниң мәзкур 40 бәтлик доклатида көрситишичә , бейҗиң һөкүмити олимпикқа бир йил қалған бүгүнки күндиму , өзиниң олимпик җәрянида хәлқара ахбаратқа әркинлик бериш вәдисигә хилап һалда чәтәл мухбирлириға тәһдит қилиш, қорқутуш һәтта қолға елиш усуллирини қоллинип кәлмәктә , хитайниң бу қилмишлири олимпик комитетиға қилған әһдиси буйичә йәни 1 - айниң1 - күни елан қилинған ахбарат әркинликигә капаләтлик қилиш қарарлириға хилап .

Америка авази радиосиниң тәкитлишичә ,кишилик һоқуқ көзитиш тәшкилати тәрипидин елан қилинған мәзкур доклат җәмий 36 нәпәр хитай һәмдә чәтәл мухбирлиридин 6 - айдин башлап игилигән толуқ мәлуматларға асасән чиқирилған .

Кишилик һоқуқ көзитиш тәшкилатиниң хоңкоңда турушлуқ хадими ниголас америка авази радиоси мухбириға " хитай һөкүмити адәттики мәтбуатлар , радио ‏- телевизийә һәмдә интернетни өз ичигә алған һәр қандақ ахбарат васитисиға тосалғулуқ қилиду " дегән . Униң билдүрүшичә , хитай мухбири болсун вә яки чәтәл мухбирлири болсун охшашла мустәқил ахбарат елан қилишини чәкләйду шундақла хитай һөкүмити ейтқан аталмиш сәзгүр мәсилиләр үстидин зиярәт қилиш чәклиниду .

Нөвәттә хитайниң кишилик һоқуқ вәзийити дуня көңүл бөлуватқан мәсилә әмма , кишилик һоқуққа даир мәсилиләрни ашкарилаш хитайда техиму қаттиқ бастурулиду . Мана бу мәсилиниң түгүни . Әгәр бу мәсилини мулаһизә қилиш чәкләнсә уни һәл қилиштин сөз ечиш мумкин әмәс. (Гүлчеһрә)

Пикирләр (0)
Share
Толуқ бәт