Dunya kishilik hoquq küni b d t kishilik hoquq aliy kéngishining bash komissari bayanat élan qildi
2007.12.10
Dunya kishilik hoquq xitabnamisi 1948- yili élan qilin'ghan bolup, kéler yili mezkur xitabname élan qilin'ghinigha 60 yili toshidu.
B d t kishilik hoquq aliy kéngishining bash komissari loy'isé arbur bayanatida: "biz bügün peqet kishilik hoquq küninila tebriklepla qalmay, belki dunya kishilik hoquq xitabnamisining 60 yilliqi üchün yene bir yilgha sozulghan kishilik hoquq kürishini bashliwettuq" dep otturigha qoydi.
U yene bügünki tebrikleshte, 1948 - yilidin buyan dunyadiki her bir ademning tüp erkinlikini kapaletke ige qilish yolida qolgha keltürgen netijilernimu tebrikleydighanliqini körsetti.
Arbur bayanatida, dunya kishilik hoquq xitabnamisining merkizi nishani heqqide toxtilip: "kishilik hoquq xitabnamisi we uning jewhiri qimmiti bolsa, insaniy qedir- qimmetke warisliq qilish, heq-adalet, kemsitmeslik, barawerlik, adilliqtin ibaret bolup, bu mizanning dunyaning her bir burjikidiki her bir insan üchün her zaman, her makanda ortaq" ikenlikini tekitlidi.
Bu bayanatta, dunyaning herqaysi jaylirida shexslerning, teshkilatlarning we hökümetlerning kishilik hoquq xitapnamisida otturigha qoyulghan wedilerni ré'alliqqa aylandurush üchün küresh qilghanliqi, hetta nurghun kishilerning mushu ghaye üchün qurban bolghanliqi otturigha qoyuldi.
Bayanatta yene, dunyaning nurghun jaylirida zorawanliq, irqiy ayrimichiliq, türmilerde qiynash hemde bashqa shekildiki adaletsizlik qilmishlirining yenila mewjutluqi, uningdin bashqa bay-kembeghellik arisida barghanche kéngiyiwatqan perq, zomigerlik we zomigerlik qurbanlirining mewjut bolup turushining kishilik hoquq xitapnamisida pütülgen hoquqlarning téximu jarangliq rewishte kücheytilishi lazimliqini körsitidighanliqi eskertildi.
Bayanatning axirqi qismida, insaniyet jem'iyitining barliq ezalirini kishilik hoquqtin behrimen qilishning kishilik hoquq xitapnamisida otturigha qoyulghan wedilerning " yürikidiki" wede ikenliki körsitilip, bu yil dawamida yene, dunyadiki barliq insanlarning özini qoghdashta peqet qanun'ghila tayinidighan muhit yaritish üchün we kishilik hoquq xitabnamisining wedilirini toluq emelge ashurush üchün yene köplep tirishchanliq körsitishige toghra kélidighanliqi tekitlendi. (Jüme)
Munasiwetlik maqalilar
- Xitayning olimpik harpisidimu kishilik hoquqni dawamliq depsende qiliwatqanliqi ashkarilanmaqta
- Kishilik hoquq teshkilati: xitay mektepliride ösmürlerni emgekke élish ishliri mewjut
- Xelq'ara muxbirlar teshkilati olimpik komitétini xitay mesiliside eyiblidi
- Ottura sherq tinchliq söhbiti bashlandi
- Xelqara olimpik komitéti emeldarliri xitay kishilik hoquq bayanati heqqide munazirileshmekte
- Teywen, bir xitay adwukatining dunya soda teshkilati erz sunush organi ezaliqigha qarshi chiqti
- Kishilik hoquqni közitish teshkilati tibet we Uyghur élige qaritilghan axbarat cheklimisini tenqid qildi
- Uyghur ilidiki 13 orun b d t qedimiy medeniyet yadikarliqliri tizimlikige kirgüzüldi
- Xitay " junggoning siyasiy partiye tüzümi" namliq aq tashliq kitabini élan qildi
- Özbékistandiki kishilik hoquq depsendichilikliri, b d t da sürüshtürülmekte