Кишилик һоқуқни көзитиш тәшкилати йиллиқ доклатида хитайни әйиблиди


2008-01-31
Share

Кишилик һоқуқни көзитиш тәшкилати пәйшәнбә күни елан қилған йиллиқ доклатида, хитайниң сөз қилиш әркинлики, аял ‏- балилар һоқуқи қатарлиқ мәсилилири үстидә тохталди.

Кишилик һоқуқни көзитиш тәшкилати йиллиқ доклатини елан қилиш мунасивити билән мәхсус баянат елан қилған болуп, баянатта "гәрчә хитай һөкүмити илгири, өзлириниң олимпик мурасимини өткүзүш салаһийитини қолға кәлтүрсә, кишилик һоқуқни чоқум яхшилайдиғанлиқи тоғрилиқ вәдә бәргән болсиму, бирақ әмилйәттә хәлқниң әң әқәллий һоқуқлириғиму сәл қаримақта вә тосқунлуқ қилмақта " дәп оттуриға қойди.

Баянатта ейтилишичә, олимпик әслидә, хитайниң пүтүн дуняға хәлқниң кишилик һоқуққа һәқиқий түрдә еришкәнликини намайән қилидиған тарихи бир пурсәт болуп, хәлқара җәмийәтләр хитай рәһбәрлиригә олимпик шәртлири астида бесим ишлитип, хәлқни кишилик һоқуққа игә қилишни мәқсәт қилмақта икән.

Хитайниң олимпик мурасимини өткүзүш салаһийитигә игә әмәс икәнликини изчил түрдә тәкитләп келиватқан хәлқара тәшкилатлар қатарида, дуня уйғур қурултийиму бар болуп, мәзкүр тәшкилат, хитайниң олимпик мусабиқиси өткүзүшини байқут қилиш үчүн түрлүк паалийәтләрни елип бармақта. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт