Kishilik hoquqni közitish teshkilati yilliq doklatida xitayni eyiblidi


2008-01-31
Share

Kishilik hoquqni közitish teshkilati peyshenbe küni élan qilghan yilliq doklatida, xitayning söz qilish erkinliki, ayal ‏- balilar hoquqi qatarliq mesililiri üstide toxtaldi.

Kishilik hoquqni közitish teshkilati yilliq doklatini élan qilish munasiwiti bilen mexsus bayanat élan qilghan bolup, bayanatta "gerche xitay hökümiti ilgiri, özlirining olimpik murasimini ötküzüsh salahiyitini qolgha keltürse, kishilik hoquqni choqum yaxshilaydighanliqi toghriliq wede bergen bolsimu, biraq emilyette xelqning eng eqelliy hoquqlirighimu sel qarimaqta we tosqunluq qilmaqta " dep otturigha qoydi.

Bayanatta éytilishiche, olimpik eslide, xitayning pütün dunyagha xelqning kishilik hoquqqa heqiqiy türde érishkenlikini namayen qilidighan tarixi bir purset bolup, xelq'ara jem'iyetler xitay rehberlirige olimpik shertliri astida bésim ishlitip, xelqni kishilik hoquqqa ige qilishni meqset qilmaqta iken.

Xitayning olimpik murasimini ötküzüsh salahiyitige ige emes ikenlikini izchil türde tekitlep kéliwatqan xelq'ara teshkilatlar qatarida, dunya Uyghur qurultiyimu bar bolup, mezkür teshkilat, xitayning olimpik musabiqisi ötküzüshini bayqut qilish üchün türlük pa'aliyetlerni élip barmaqta. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet