Америка авам палатаси көчмәнләрни контрол қилиш қануни мақуллиди


2005-02-11
Share

Америка авам палатаси пәйшәнбә күни қанун лайиһиси мақуллап, һәр қайси штатларниң қанунсиз көчмәнләргә шопурлуқ кинишкиси беришини чәклиди шундақла сотчиларға террорчи болуш иһтималлиқи бар, дәп гуманланған сияси паналанғучиларни чигридин қоғлап чиқириш һоқуқи бәрди.

Қанун лайиһисигә авам палатасики 261 әза қоллап биләт ташлиған, 161 әза қарши чиққан. Йеңи қанун бойичә қанунсиз көчмәнләргә алаһидә шопурлуқ кинишкиси тарқитилидикән. Лекин бу адәттики шупурлуқ кинишкисигә охшаш күчкә игә әмәс болуп, айродурум шундақла федерал һөкүмәт биналириға кириш-чиқишта салаһийитини испатлайдиған һөҗҗәт болалмайду.

Җумһурийәтчиләрниң билдүрүшичә, террорчилар 2001 - йилдики 11 - сентәбир вә қәсидә бихәтәрлик өткәллиридин өтүш шундақла айрупиланни гөрүгә елишта һазирқи шопурлуқ кинишкиси ишләткән. Америка дуня бойичә шопурлуқ кинишкисини елиш әң асан дөләт. 11 - Сентәбир вәқәсидин илгири америкиға 6 айлиқ визиси билән кәлгән саяһәтчиләрниң шопурлуқ кинишкиси елиши мумкин иди. Бирақ бу қетимқи қанун бу имканийәтни чәклиди. Йеңи қанун көчмәнләр идариси вә аманлиқ даирилириниң америка - мексика чигрисиға сим тосақ орнитишини мақуллиған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт