Amérika awam palatasi köchmenlerni kontrol qilish qanuni maqullidi


2005.02.11
Share on WhatsApp
Share on WhatsApp

Amérika awam palatasi peyshenbe küni qanun layihisi maqullap, her qaysi shtatlarning qanunsiz köchmenlerge shopurluq kinishkisi bérishini cheklidi shundaqla sotchilargha térrorchi bolush ihtimalliqi bar, dep gumanlan'ghan siyasi panalan'ghuchilarni chigridin qoghlap chiqirish hoquqi berdi.

Qanun layihisige awam palatasiki 261 eza qollap bilet tashlighan, 161 eza qarshi chiqqan. Yéngi qanun boyiche qanunsiz köchmenlerge alahide shopurluq kinishkisi tarqitilidiken. Lékin bu adettiki shupurluq kinishkisige oxshash küchke ige emes bolup, ayrodurum shundaqla fédéral hökümet binalirigha kirish-chiqishta salahiyitini ispatlaydighan höjjet bolalmaydu.

Jumhuriyetchilerning bildürüshiche, térrorchilar 2001 - yildiki 11 - séntebir we qeside bixeterlik ötkelliridin ötüsh shundaqla ayrupilanni görüge élishta hazirqi shopurluq kinishkisi ishletken. Amérika dunya boyiche shopurluq kinishkisini élish eng asan dölet. 11 - Séntebir weqesidin ilgiri amérikigha 6 ayliq wizisi bilen kelgen sayahetchilerning shopurluq kinishkisi élishi mumkin idi. Biraq bu qétimqi qanun bu imkaniyetni cheklidi. Yéngi qanun köchmenler idarisi we amanliq da'irilirining amérika - méksika chigrisigha sim tosaq ornitishini maqullighan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.