Колин повел шәрқий асия әллирини зиярәт қилиду


2004.10.17
Share on WhatsApp
Share on WhatsApp

Америка ташқи ишлар министири колин повел алдимиздики һәптә ичидә японийә, хитай вә җәнубий корийәләрни зиярәт қилип, америкиниң юқириқи дөләтләр билән болған икки тәрәплимилик мунасивити, район бихәтәрлики вә муқимлиқи бойичә сөһбәт елип бариду. Сөһбәт темисиниң хәлқара террорчилиқ, ирақ мәсилиси вә шимали корийә ядро қораллири мәсилисини һәл қилиш йолидики 6 тәрәп сөһбитигә четилидиғанлиқи илгири сүрүлмәктә.

Франсийә ахбарат агентлиқиниң хәвәр қилишичә, хитай һөкүмитиниң шималий корийә ишлири бойичә алаһидә әлчиси нең вугуй йеқинда вашингтонни зиярәт қилған. Америка ташқи ишлар министирликиниң баянатчиси ричард бочер, шималий корийиниң 6 тәрәп сөһбәт үстилигә қайтип келишни халимайватқанлиқидин әпсусланғанлиқини билдүргән. Хәвәрләргә қариғанда пйоңяң, америка шималий корийигә болған дүшмәнлик мәйданидин ваз кәчсә андин 6 тәрәп сөһбитигә қатнишишни ойлишип көридиғанлиқини илгири сүрмәктә. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.