Kolin powél sherqiy asiya ellirini ziyaret qilidu


2004.10.17
Share on WhatsApp
Share on WhatsApp

Amérika tashqi ishlar ministiri kolin powél aldimizdiki hepte ichide yaponiye, xitay we jenubiy koriyelerni ziyaret qilip, amérikining yuqiriqi döletler bilen bolghan ikki tereplimilik munasiwiti, rayon bixeterliki we muqimliqi boyiche söhbet élip baridu. Söhbet témisining xelq'ara térrorchiliq, iraq mesilisi we shimali koriye yadro qoralliri mesilisini hel qilish yolidiki 6 terep söhbitige chétilidighanliqi ilgiri sürülmekte.

Fransiye axbarat agéntliqining xewer qilishiche, xitay hökümitining shimaliy koriye ishliri boyiche alahide elchisi néng wuguy yéqinda washin'gtonni ziyaret qilghan. Amérika tashqi ishlar ministirlikining bayanatchisi richard bochér, shimaliy koriyining 6 terep söhbet üstilige qaytip kélishni xalimaywatqanliqidin epsuslan'ghanliqini bildürgen. Xewerlerge qarighanda pyongyang, amérika shimaliy koriyige bolghan düshmenlik meydanidin waz kechse andin 6 terep söhbitige qatnishishni oyliship köridighanliqini ilgiri sürmekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.