Америка дипломатик әмәлдари хитайдики зияритини башлиди

Америка ташқи ишлар министирликиниң ярдәмчи ташқи ишлар министири җәмес кәллейниң хитайдики зиярити, шимали корийиниң хитай билән чегрилинидиған ряңгаң районида қаттиқ партлаш вәқәси йүз бәргәнлики һәққидики хәвәрләрниң тарқилиши билән бир күндә башланди.

Бейҗиңдики америка әлчиханисиниң баянатчиси , җәмес кәлейниң хитай даирилири билән хитай - америка мунасивити , район вә йәр шари характерлик мәсилиләр үстидә сөһбәт елип баридиғанлиқини җакарлиған . Бирақ шимали корийә мәсилиси икки тәрәп сөһбитиниң музакирә даирисигә киридиған - кирмәйдиғанлиқини тилға алмиған иди .Японийә тәрәпниң билдүрүшичә , җәмес кәллей җүмә күни токюда японийә вә җәнубий корийәлик әмәлдарлар билән шимали корийә ядро кризисини һәл қилиш йолидики 6 тәрәп сөһбити үстидә музакирә елип барған .

Амма пйоңяң , җәнубий корийә йеқинда өзлириниң илгири ядро синиқи елип барғанлиқини етирап қилғандин кейин бу ай ичидә өткүзүлидиған 6 тәрәп сөһбитигә қизиқмайдиғанлиқидин бешарәт бәргән . Чәтәл ахбарат агентлиқлириниң бу арида хәвәр қилишичә , бир һәптиниң алдида шимали корийәниң хитай билән чегрилинидиған ряңгаң өлкисидә қаттиқ партлаш вәқәси йүз бәргән . Җәнубий корийә мәтбуатлири, бу қетимқи партлашниң бу йил 4 - айда йүз бәргән рүнчуң төмүрйол истансисидики партлаштин техиму чоңлиқини илгири сүрмәктә . Америка ташқи ишлар министири колин повелл , партлашниң ядро синиқи билән мунасивәтлик икәнликини испатлайдиған һечқандақ аламәт йоқлиқини билдүрди . японийә ташқи ишлар министирлики , шимали корийәдики партилашқа йеқиндин диққәт қиливатқанлиқини билдүргән . (Әркин)