Amérika diplomatik emeldari xitaydiki ziyaritini bashlidi


2004.09.12
Share on WhatsApp
Share on WhatsApp

Amérika tashqi ishlar ministirlikining yardemchi tashqi ishlar ministiri jemés kelléyning xitaydiki ziyariti, shimali koriyining xitay bilen chégrilinidighan ryanggang rayonida qattiq partlash weqesi yüz bergenliki heqqidiki xewerlerning tarqilishi bilen bir künde bashlandi.

Béyjingdiki amérika elchixanisining bayanatchisi , jemés keléyning xitay da'iriliri bilen xitay - amérika munasiwiti , rayon we yer shari xaraktérlik mesililer üstide söhbet élip baridighanliqini jakarlighan . Biraq shimali koriye mesilisi ikki terep söhbitining muzakire da'irisige kiridighan - kirmeydighanliqini tilgha almighan idi .Yaponiye terepning bildürüshiche , jemés kelléy jüme küni tokyuda yaponiye we jenubiy koriyelik emeldarlar bilen shimali koriye yadro krizisini hel qilish yolidiki 6 terep söhbiti üstide muzakire élip barghan .

Amma pyongyang , jenubiy koriye yéqinda özlirining ilgiri yadro siniqi élip barghanliqini étirap qilghandin kéyin bu ay ichide ötküzülidighan 6 terep söhbitige qiziqmaydighanliqidin bésharet bergen . Chet'el axbarat agéntliqlirining bu arida xewer qilishiche , bir heptining aldida shimali koriyening xitay bilen chégrilinidighan ryanggang ölkiside qattiq partlash weqesi yüz bergen . Jenubiy koriye metbu'atliri, bu qétimqi partlashning bu yil 4 - ayda yüz bergen rünchung tömüryol istansisidiki partlashtin téximu chongliqini ilgiri sürmekte . Amérika tashqi ishlar ministiri kolin powéll , partlashning yadro siniqi bilen munasiwetlik ikenlikini ispatlaydighan héchqandaq alamet yoqliqini bildürdi . Yaponiye tashqi ishlar ministirliki , shimali koriyediki partilashqa yéqindin diqqet qiliwatqanliqini bildürgen . (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.