Shimali koriye yadro qorallardin waz kechmeydighanliqini jakarlidi


2004.09.19
Share on WhatsApp
Share on WhatsApp

Shimali koriye hökümet axbarat agéntliqining aldinqi küni xewer qilishiche, shimali koriye da'iriliri amérikining shimali koriyege qaritilghan siyasiti özgermigiche, pyongyangning yadro qorallar pilanidin waz kechmeydighanliqini jakarlidi.

Shimali koriye hökümet axbarat agéntliqi, amérikini jenubiy koriyining yadro qorallarni tereqqi qildurush pilani mesiliside qosh ölchem qollandi dep tenqidligen. Fransiye axbarat agéntliqining shimali koriye hökümet axbarat agéntliqidin neqil keltürüshiche, pyongyang da'iriliri, eger amérika shimali koriyege qaratqan siyasitini özgertmise, pyongyang shimali koriye yadro mesililiri boyiche élip bérilidighan 6 dölet söhbitining kéler qétimqi yighinigha ishtirak qilmaydu dep körsetken.

Xitay hökümiti yéqinda 9 - ayning axiri ötküzülidighan 6 terep söhbitining öz waqtida ötküzülüshi intayin qiyinliqini élan qilghan idi. Yaponiye bash ministiri koyzumi, nöwette 6 terep söhbitining konkirit küntertipi téxi éniq emeslikini, chünki shimali koriyining hazirghiche éniq jawab bermigenlikini ilgiri sürgen. Shimali koriye yadro qorallar mesilisi boyiche 6 terep söhbitige qatnishidighan döletler amérika, rosiye, xitay, yaponiye, jenubiy we shimali koriyelerni öz ichige alidu. Jenubiy koriye tashqi ishlar ministiri ban ki - mun, shimali koriye mesilisi jenubiy koriye prizdénti ro - mu- xyunning düshenbe küni rusiyige qilidighan ziyaritining küntertipidiki muhim mesililerning biri dep körsetti. Ro - mu - xyun yekshenbe küni qazaqistanni ziyaret qilghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.